Platforma Saziyên Demokratîk diyar kir ku qonaxeke nû li kampanyaya “Ji bo Abdullah Ocalan azadî, ji pirsgirêka kurd re çareserî” zêde kirine û dê di 13’ê cotmehê de li Amedê mitîngeke mezin li dar bixin.
Ozturk Turkdoganê ku di Hewldana Li Dijî Tecrîdê Edaletê de cih digire, diyar kir ku di bernameya wan de hevdîtina bi partiyên siyasî re heye û got: "Em ê der barê tecrîdê de wan agahdar bikin û dosyeyên ku rewşa heyî vedibêjin pêşkêşî wan bikin."
Berdevka Meclisa Jinan a DEM Partiyê Halîde Turkoglû di konferansa “Em di jiyaneke azad û wekhev de biisrar in, xwe birêxistin dikin” de wiha got: “Em ê mal bi mal, derî bi derî bigerin û rêxistiniya xwe mezintir bikin.”
KNK'ê xwest, hemû sûcdarên kuştina Denîz Cevdet Bulbun werin eşkerekirin, cezakirin ku careke din li Başûrê Kurdistanê bûyerên bi vî rengî neqewimin.
Jinên di êrişa dewleta tirk a li dijî Wargeha Mexmûrê de birîndar bûn diyar kirin ku PDK û rêveberiya Iraqê jî şirîkên sûcên dewleta tirk in.
Hin kesên ji ber lêpirsîna Narîn Guranê hatine binçavkirin, sewqî Edliyeya Amedê hatin kirin.
Qeymeqam Muhammed Fatîh Safîturk 7 sal berê hatibû kuştin, biryara “nepeniyê” ya li ser dosyayê hêj didome û ji dozê tenê Şerîf Mesûtoglû girtî ye. Bavê Mesûtoglû, Mesût Çelîk têkildarî mijarê got: “Ev dosyaye çima nayê vekirin? Em dixwazin daxwaza jinûvedarizandinê ya kurê min bê qebûlkirin.”
Parêzer Rehşan Batarayê diyar kir ku di ser teqîna li Parka Koşuyoluyê de ku 7 jê zarok 10 kes hatin qetilkirin re 18 sal derbas bûne û got ku mirina zarokan bi polîtîkaya bêcezakirinê didome.
Tirkiye dixwaze 4 aktîvîst û rojnamegerên ji Rojhilatê Kurdistanê yên li Navenda Paşveşandinê ya Edirneyê de tên ragirtin, teslîmî rejîma Îranê bike. Malbatên aktîvîst û rojnamegeran banga hestiyariyê ji raya giştî kirin.
Karsazê tekstîlê Îsmaîl Demîr ê ku ji 24'ê nîsanê ve agahî jê nedihatin girtin, mirî hate dîtin.
Şahidê înfazên JÎTEM'ê Agît Malgaz demek berê ji ber krîza dil wefat kir. Hevjîn û hevalê wî wiha qala Malgaz kirin: “Îşkenceyên giran lê hatin kirin. Lê dîsa jî tu carî bawerî û dilsoziya xwe ya li dijî têkoşînê winda nekir.”
DMME’yê têkildarî Abdullah Ocalan biryara “binpêkirinê” dabû û Tirkiyeyê ev biryar tune hesibandibû. Tirkiye, ji bilî “plana çalakiyan” tu gavan naavêje. Komîteya Wezîran a Konseya Ewropayê li ser hewldanên rêxistinên maf û hiqûqê, mijar dîsa kir rojeva xwe.
Şaredariya Agiriyê ya DEM Partiyê di pêvajoya 5 mehan de pirsgirêkên bajêr ên li ber çavan yek bi yek çareser kirin. Şaredariya ku li gorî daxwazên gel plansaziya xwe çêdike, amadekariyan dike ku Navenda Çandê ya Ehmedê Xanî veke.
ARÎ-DER'ê destnîşan kir ku heyama perwerdehî û hîndekariyê ya nû bi awayekî ji zimanê dayikê bêpar dest pê kiriye û banga her derê bikin kurdî kir.