Hevseroka KCDK-E’yê Zubeyde Zumrut diyar kir ku di mitînga Kolnê de peyama “Navnîşana çareseriyê li Îmraliyê ye” hatiye dayin û wiha got: “Heta Rêber Apo azad dibe dê ev têkoşîn pêl bi pêl mezintir bibe û bidome.”
Parêzerên Şaredarê Esenyurtê Ahmet Ozer ku niha girtî ye, dê serî li AYM’ê bidin.
Polîsan bi ser avahiya rêxistina DEM Partiyê ya navçeya Esenuytê de girtin.
Welatiyên beşdarî mitînga “Demokrasî û Azadiyê” ya Êlihê bûn diyar kirin ku tayînkirina qeyûman nîşan dide ku AKP di çareseriya pirsgirêka kurd de ji dil nîne û wiha gotin: “Muxatabê aştiyê, Abdullah Ocalan e.”
Jinên Wanî diyar kirin ku sedema tundî û komkujiyên li dijî jinan polîtîkaya necezakirinê ye û xwestin Peymana Stenbolê dîsa bikeve meriyetê.
Midûriyeta Giştî ya Meteorolojiyê Amed, Êlih û Şirnex jî di nav de ji bo 16 bajaran bi koda zer hişyarî kir. Li bendê ye ku li hinek bajaran jî berf bibare.
Hevserokê Şaxa OHD’a Mêrdînê parêzer Lokman Emen anî ziman ku di çalakiyên protestoyî yên Mêrdînê de welatî bi awayekî derhiqûqî hatine binçavkirin û da zanîn ku di bin çavan de gefa êrişa zayendî hatiye xwarin.
Di kampanyaya “Îradeya gel nas bikin, bila serokên hilbijartî li peywira xwe vegerin” a Meclisa Kedê ya HDK’ê daye destpêkirin didome. Heta niha 376 sazî, dezgeh û kesayetan piştgirî dane.
Li Êlihê ciwanan piştî mitînga “Demokrasî û Azadiyê” bi dirûşma “Jin, jiyan, azadî” meş li dar xistin.
Hevseroka Giştî ya DEM Partiyê Tulay Hatîmogûllari di mitînga Êlihê de wiha got: “Heke hûn weke micidbûna dewletê tevbigerin, wê demê ji ewil deriyê Îmraliyê vekin, bila birêz Ocalan derkeve û peyama xwe bide tevahiya Rojhilata Navîn.”
Aktîvîstsa TJA’yê Ayla Akat Ata di mitînga Êlihê de axivî û wiha got: “Wî deryî vekin, ev gel dixwaze dengê birêz Ocalan bibihîze. Ev gel dixwaze dengê hemû kesên qala çareseryê dikin bibihîse.”
Hevserokê Giştî yê DBP’ê Keskîn Bayindir di mitînga “Demokrasî û Azadiyê” ya Êlihê de axivî û ji bo çareseriya pirsgirêka Kurd wiha got: “Çareserî birêz Ocalan e, navnîşan Îmrali ye.”
Serokê Giştî yê Partiya Pêşerojê Ahmet Davutoglû û Hevşaredarê Bajarê Mezin ê Mêrdînê Ahmet Turk hevdîtin kirin û gotin ku divê pirên guftûgoyê neyên xerakirin.
Welatiyên ji Herêma Botanê ji bo mitînga “Demokrasî û Azadiyê” bi rê ketin, piştî astengkirinê ber bi Êlihê ve dest bi meşê kirin.