Şîrîn Elmas Hanîlçî ya 6 salî ku 2 roj bû winda bû cenazeya wê hat dîtin. EŞÎK’ê der barê mijarê de daxuyaniyek da û wiha got: “Ger berpirsan peywira xwe bianiya cih wê îro Şîrîn bijiya.”
Zarokan di Mihrîcana Zarok û Ciwanan a Komirê de çîroka “Pîrê û Rovî” ku kirine lîstika şanoyê pêşkeş kirin.
Platforma Ked û Demokrasiyê ya Rihayê bertek nîşanî tayînkirina qeyûm a li Şaredariya Esenyûrtê da û wiha got: “Em desteserkirina îradeya gel qet qebûl nakin.”
Li Dîlokê bi boneya Roja Kobanê ya Cîhanê daxuyanî hate dayîn û wiha hate gotin: “Ronahiya bi berxwedana Kobanê hat afirandin wê tu carî venemire.”
Li Stenbolê ji 20 kesên hatibûn binçavkirin 4 jê bi îdiaya “endamtiya rêxistinê” hate girtin.
Di çalakiya ji bo girtiyên nexweş de hate xwestin ku Abdûrrahman Gemîcîoglû yê di beşa lênêrîna awarte de tê ragirtin û Dede Anil bên berdan.
Di rapora DFG’ê ya meha cotmehê de hate ragihandin ku ji 11 rojnamevanan re 19 sal û 8 meh cezayê hefsê hatiye birîn.
Li navçeya Erzînê çawişê pispor ê bi navê Alaatîn Gozen hevjîna xwe Elîf Gozen qetil kir.
Li navçeya Erdîşê di navbera du malbatan de şer derket, yek jê personelê nexweşxaneyê 2 kesan jiyana xwe ji dest da.
Di hefteya 1023’yemîn a çalakiya Dayikên Şemiyê de ji bo 3 jê zarok 8 kesên beriya 29 salan li Kerboranê hatin binçavkirin û piştî demekî dirêj hestiyên wan hatin dîtin edalet hate xwestin.
ÎHD’ê û malbatên windakiriyan aqûbeta Mehmet Şirîn Bayram, Yilmaz Gumuş û Hamît Temel ên di salên 1990’an de hatin windakirin pirsîn.
Platforma Şaxan a KESK’ê û Şaxa ÎHD'ê ya Şirnexê bi beşdariya perwerdekar Handan Coşkûn atolyeya zayendî ya civakî pêk anîn.
Hevberdevka HDK'ê Esengul Demîr, di Konferansa Jinan a HDK’ê de got: "Ji bo hilweşandina pergala serdest a mêr di nava serhildan û berxwedanê de nin." Hevseroka Giştî ya DEM Partiyê Tulay Hatîmogullarî jî wiha axivî: "Ji bo paradîgmaya HDK'ê hîn bêhtir mezin bibe, divê gavên pratîk bên avêtin."
Xebatkarê Şaredariya Esenyûrtê Alî Gokmen ê piştî tayînkirina qeyûm a li şaredariyê îstîfa kir, wiha got: “Bi qeyûm re muzakere nabe, têkoşîn dibe.”
Cenazeyê Şirîn Elmas Hanîlçî ya 6 salî ku li navçeya Şîşliye winda bûbû hate dîtin.