Xizmên girtiyan ên li Mêrdînê diyar kirin ku heya Rêberê Gelê Kurd Abdullah Ocalan bi awayekî fizîkî azad nebe dê aştiyeke rasteqîn çênebe û bang li komîsyona ku li meclisê hatiye avakirin kirin.
Omer Kurt, bavê xwendekarê zanîngehê Şerzan Kurt ê ku ji aliyê polîsan ve hat qetilkirin, diyar kir ku hêviya wan ji Pêvajoya Aştî û Civaka Demokratîk heye û got: "Divê nêvengeke li ser esasê wekheviyê bê afirandin."
Serokê Şaxa 3'yan a Egîtîm Sen a Stenbolê Huseyîn Tosû ku têkildarî perwerdehiya bi zimanê dayikê axivî, diyar kir ku divê bendên li ber mafê perwerdehiya bi zimanê dayikê bên rakirin û got ku divê komîsyon vê yekê wekî peywirekê deyne ber xwe.
Rektoriya Zanîngeha Munzurê, beşeke pirtûkxaneya zanîngehê tahsîsî walîtî û dozgeriyê kir. Serokê Şaxa Egîtîm Senê Mehmet Aşkin got ku ev yek dê bandoreke neyînî li jiyana kampusê bike.
Hiqûqnasê OHD'î Salih Tekîn diyar kir ku divê Komîteya Wezîran a Konseya Ewropayê di warê pêkanîna "mafê hêviyê" de zorê bide Tirkiyeyê.
Emrah Nebîoglû yê ji sedî 94 astengdar e, ragihand ku ATK'ya ku rapora "dikare di girtîgehê de bimîne" ji wî pirsiye ku "Te çima li dijî DAIŞ'ê şer kir?" Parêzer Veysî Atmaca got: "Divê girtiyên nexweş ji însafa ATK'ê re neyên hiştin."
Mehmet Durak û Mehmet Emîn Siraç ku piştî 30 salên di girtîgehê de çendek roj berê hatin berdan, li Edeneyê bi girseyî hatin ziyaretkirin.
Di danişîna doza Atîlla Ozdogan û Ozlem Feza Sezer Bayram ku di çarçoveya lêpirsîna HDK’ê hatibûn girtin de ji bo Ozdogan biryara “sekinandina teqîbatê” û ji bo Ozlem Feza Sezer Bayramê jî biryara beraetê hat dayin.
Hevserokên DEM Partî û DBP’ê yên Wanê ji bo meşa ku dê li bajar bi dirûşma “Ji bo mafê hêviyê Rêber Apo em ber bi azadiyê ve dimeşin” daxuyanî dan û banga tevlibûnê kirin.
Li ser formayê Amedsporê ku di Lîga 1’emîn a Trendyolê de dilîze, dirûşma bi Kurdî cih girt.
Şaxa SES’a Amedê li Nexweşxaneya Perwerde û Lêkolînê ya Gazî Yaşargîlê êrişên li dijî xebatkarên tenduristiyê protesto kir.
OHD’ê li pêşiya Edliyeya Stenbolê çalakî li dar xist û bi bîr xist ku perwerdeya bi zimanê Kurdî tê astengkirin. OHD’ê bang li Meclisê kir ku Kurdî bikin zimanê fermî.
Pirtûkên ji bo girtiyên li Girtîgeha Hejmar 1 a bi Ewlekariya Bilind a Suluca ya Edeneyê tên ragirtin, bi hinceta “ewlehiyê” nayên dayin.
Berdevkê Darazê yê Îranê Asghar Jahangir, diyar kir ku efûya giştî ya hatiye ragihandin ji bo girtiyên siyasî derbasdar nîne.