Jinên KESK’î yên Dîlokê, dibin sîwana Platforma Jinên Demokratîk de bi dirûşmeya “Em li dû mafên xwe yên ked, wekhevî û aştiyê ne” xwe ji bo çalakiyên 8’ê Adarê amade dikin.
Jinên ku li Enqerê di mitînga 8’ê Adarê de rastî êrîşa tund a polîsan hatin û hatin binçavkirin, di maşineya polîsan de jî li ser tora civakî peyamên xwe dan.
Tersî Kadriye Sansur, ku bi salan li kargeriyekê xebitî û keda wê hat xwarin, dest ji karê berê berda û bi xwe terzîxane vekir. Sansur, diyar kir ku zayendiya kedê tune û wiha got: "Bi minasebeta 8'ê Adarê divê jin tu carî keda xwe bi destê mêr de bernedin. Divê em li keda xwe xwedî derkevin."
Akademîsyenên Jin ên bi KHK'ê hatin îxrackirin diyar kirin ku ew dê rêxistiniya xwe bi têkoşîna xwe nîşanî dijminên jinan bidin û xwest hemû jin bi ruhê 8'ê Adarê dakevin kolanan.
Jinan di çarçoveya pîrozbahiyên 8'ê Adarê Roja Jinan a Cîhanê de, li Cizîr, Wan, Riha, Mêrsîn û gelek navendên din çalakî pêk anîn. Parlamenterên HDP'ê di çalakiyan de diyar kirin ku jin dê bi coşa 8'ê Adarê Newrozê geş bikin.
Mîtînga Platforma Jinan a 8'ê Adarê ku li Qada Azadiyê dest pê kir bi coş didome. Hevseroka Giştî ya HDP'ê Pervîn Buldan bal kişand ser têkoşîna jinan û wiha got: "Tifaqa me ne heta hilbijartinê ye. Tifaqa me tifaqa jinê ye. Li Tirkiye tifaqa jinê tifaqa azadiyê ye.
Li Çorlu, polîsan mûdaxileyê jinên xwestin bi boneya 8’ê Adarê daxuyanî bidin, kirin.
Jinan xwestin bi boneya 8’ê Adarê tûra bîsîkletê pêk bînin, lê polîsan bi hinceta “Ewlekariya çemaweriyê dixe talûkeyê” destûr neda. Jinan li dijî vê helwesta polîsan dirûşma “Jin, jiyan bîsîklet” berz kirin.
Platforma Jinan a Enqerê bi boneya 8’ê Adarê Roja Jinên Cîhanê xwest li ber Şaredariya Çankaya mitîngê li dar bixe. Polîsan mûdaxileyê jinên li ber Şaredariya Çankaya kom bûn kir û gelek jin binçav kirin. Nûçegihana me ya nûçe dişopandin Dîren Yurtsever jî dinava jinên hatin binçavkirin deye.
Vakfa Jinan a Newa, diyar kir ku Jin TV ya di hemû weşanê de jin cih digirin, di 8'ê Adarê Roja Jinan a Cîhanê de dest bi weşanê dike.
Fîgen Yuksekdag û Sebahat Tuncel li ser navê jinên siyasetmedar ên girtî peyama 8’ê Adarê şandin û gotin: “Ji Efrînê heya Amedê, ji Şengalê heya Stenbolê, li her derê û her rojê bi heman ruh û dengî em diqîrin: Tekane rê azadiye!”
Jinan li Wan, Riha, Edene û Îzmîrê di çarçoveya çalakiyên 8'ê Adarê de çalakî pêk anîn. Endamên Platforma Jinan a Axtamara, di çarçoveya çalakiyên 8’ê Adarê de 8 kîlomet pedal zivirandin û nepoxên xemrî firandin.
Jin bi şîara “Em li dijî şer, OHAL û zayendperestiyê, ji bo ked, nasname û azadiya xwe li ber xwe didin” li Qada Azadî ya Bakirkoyê kom bûn, bi hemû coş û rengên xwe ligel baran dibare jî 8’ê Adarê pîroz dikin.
Tevî biryara dadgehê, ji ber xebatên kana keviran keleha ku peykerê xwedavenda Kîbela lê hatiye çikilandin, bi dînamitan tê xerakirin.
Platforma Em Dê Cînayetên Jinan Rawestînin, rapora sibatê aşkere kir û diyar kirin ku di Sibatê de mêran 47 jin qetil kirin, 30 zarok îstîsmar kirin û tecawizî 31 jinan kirin. Platfromê diyar kir ku ev yek girêdayî şer û tundiyê ye.