Parlamenterê HDP'ê yê Dîlokê û Amîrê Îdarî yê Meclîsê Prof. Dr. Mahmut Togrul, bal kişand ser nakokiya Rapora Xebitandina Sermayeya veberhênanê û Rapora Venêrtina Rêkûpêkbûnê ya Zanîngeha Dîlokê ku Prof. Dr Alî Gur Rektorê wê ye û got: "Li gorî bîlançoya 2017'an di hesabê 150 malzeme û madeyan yên tibbî û derman de ‘4 milyon û 984 hezar û 488 TL pere kêm e. Ev pere li ku hatiye xerçkirin?"
Parlamenterê HDP’ê yê Amedê Selçûk Mizrakli, diyar kir ku operasyonên li ser endam û rêveberên HDP’ê bandorê li xebatên wan nake û got: “Li Tirkiyeyê tu partî nikare mîna HDP’ê civakî bibe û di vî warî de bi HDP’ê re bikeve pêşbaziyê.”
Pêşnûmeya butçeya 2019’an pêşkêşî Meclîsê hat kirin. Li bendêye pêşnûme di 23’yê Cotmehê de bê Komîsyona Butçe ya Planê.
Hevserokê Giştî yê HDP'ê Sezai Temellî, di gera xwe ya Bedlisê de bal kişand ser bêhiqûqiyên li welat pêş dikeve û ji her kesî xwest li dijî vê bêhiqûqiya pêş dikeve dengê xwe bilind bikin û got: "Ez bang li hemû kesên xwedî wîcdan dikim. Dengê xwe bilind bikin. Îtîraz bikin. Em dê bi namzetên xwe yên îtîfaqa gel van qeyûman paqij bikin û bavêjin."
Hevseroka Giştî ya HDP'ê Pervîn Buldan di civîna koma partiya xwe de geşedanên hefteyê nirxandin. Buldan, diyar kir ku AKP ji ber ji HDP'ê ditirse ew qas êrîşan pêk tîne û wiha got: "Îktîdara AKP'ê li hundir dîlgirtin û tecrîdê pêş dixe, li derve jî şer pêş dixe. Ji ber ku têk çûye bi polîs û eskerên xwe bi HDP'ê re şer dike. Ger ku hêza wê hebe bila bi siyasetê bi mere şer bike. Ji ber ku Birêz Ocalan ji bo yekitiay gelan têdikoşe niha tecrîd didome. Divê teqez em vê tecrîdê bişkinin."
Hevserokê Giştî yê HDP'ê Sezaî Temellî, beşdarî kongreya HDP'ê ya Navçeya Rêya Armûşê ya Wanê bû û diyar kir ku wan bi çerebe û tecrûbeyên xwe yên dîrokê HDP ava kiriye û wiha got: "Yê me bi hêz dike têkoşîna me ye. Yê têkoşîna me jî bi hêz dike bawerî û fikra me ye. Yê ku ev fikr û vîna siyasî pêş xist jî Brêz Ocalan e. Silav ji Birêz Ocalan re. Ev fikr tu carî nayên tecrîdkirin."
Serokwekîla Koma HDP’ê Fatma Kurtulan, derbarê rojevên heyî de nirxandin kir û got: “AKP’ê bi operasyonên binçavkirinê yên li dijî rojnameger û siyasetmedaran starta hilbijartina herêmî da. Bila vê baş zanibin dawiya tirsê tuneye. Teqez divê hilbijartinê de dê HDP bi ser bikeve.”
Hevserokê Giştî yê HDP’ê Sezaî Temellî di kongreya rêxistina xwe ya Rihayê de axivî û got: “Heta ev tecrîd bi dawî bibe û Birêz Ocalan azad bibe wê ev têkoşîn dewam bike.”
Hevserokê KCD'ê Berdan Ozturk di kongreya SYKP'ê de axivî û got: "Bi tecrîdkirina Ocalan şer bêtir kûr bû. Lê çi dibe bila bibe dê dawiya wê muhteşem be. Siyasetmedar Fîgen Yuksekdag jî ji girtîgehê peyam şand û got: "Her çend Faşizm me dîl bigire jî vîna me neşikand û nikare bişkîne."
Hevserokê Giştî yê SYKP’ê Ahmet Kaya di kongreya partiya xwe de axivî û got: “Peywîra me ya sereke ew e em faşîzmê beralî bikin”
Hevserokê Giştî yê HDP’ê Sezaî Temellî, bal kişand ser berdana rahîb Brunson ê DYA’yî yê hat berdan û got: “Di encam ferman û bazara şerê Sûriyeyê de Brunson hat berdan. Tirkiyeyê tim tawîz dan û tim rûmeta xwe winda kir.”
Wekîlê Serokê Koma HDP’ê Ayhan Bîlgen têkildarî berdana keşeyê Amerîkî Brunson got: “Ravekirina vê taboyê nîne.”
Hevserokê Giştî yê HDP'ê Sezaî Temellî, qedexeyên li gundên Lîcê berdewam dike rexne kir û wiha got: “Hikûmetê dorpêç ji bo xwe kirine siyaseta giştî û mayinde." Hevberdevka HDK'ê Gulistan Kiliç Koçyîgît jî bertek nîşanî operasyon û dorpêça li herêmê da û destnîşan kir ku gel dê di hilbijartinên herêmî de bersîvê bide van politîkayên ewlehiyê.
Hevserokê Giştî yê HDP’ê Sezaî Temellî li Lîcê axivî û got: “Operasyonên pêk tên, kampanyeya hilbijartinê yên AKP’ê ne. Ji sala 1925’an û vir ve li Lîcê sûc tê kirin.”
Berdevkê HDP'ê Saruhan Oluç, bertek nîşanî operasyonên li dijî HDP'ê dan û diyar kir ku operasyonên duh bi cemaatê re dikir, îro bi MHP'ê re pêk tînin û wiha got: "Kesên duh digotin 'me ji cemaatê bawer kir em hatin xapandin' dê sibê bêjin ‘Me ji MHP’ê bawer kir û em hatin xapandin'. "