Rojnamegerên jin ên ku dengê îsyana jinan a 8'ê Adarê li cîhanê belav bikin, diyar kirin ku dê ji bo hevalên xwe yên girtî jî li qadan bin û wiha gotin: “Em hem dê bibin perçeyekî îsyanê û hem jî vî îsyanê li hemû parzemînên cîhanê belav bikin."
Keça Hevseroka Meclîsa Gel a Cizîrê Asya Yuksel Jiyan Yuksel, qala têkoşîn û sekna dayîka xwe kir û xwest her kes bi ruh û têkoşîna wê ji bo 8’ê Adarê Roja Jinan a Cîhanê dakevin qadan. Jiyan Yuksel, got: “Divê ruhê Asya Yuksel a têkoşer li her deverê bê jiyîn û jin bi ruhê dayîka min di 8’ê Adarê de dakevin qadan.”
Hevseroka Giştî ya DBP'ê Sebahat Tûncel ku dê 8'ê Adara îsal jî di girtîgehê derbas bike got: "Tenê dibêjim; çi dikin bila bikin, lê em ê bi ser bikevin. Dema jin li kuçeyan dirûşmeyên 'Jin Jiyan Azadî' berz bikin, em ê jî li hewadariya xwe bibin hevparê vî dengî."
Sûzan Oztunç ku dema hevjînê wê yê 18 salan xwest careke din bizewice, dest bi jiyaneke nû kir ji bo jinên ku bi şidetê re rû bi rû dimînin got: "Li hemberî çewisandinan helbet riyeke liberxwedayînê heye."
Rêvebera Kongra-Star Newroz Mihemmed, diyar kir ku amadekariyên wan ên 8'ê Adarê didomin. Mihmmed bi lêv kir ku wê ji Minbic, Heleb, Şam, Şengal û Lubnanê jin tev li çalakiya 8'ê Adarê ya li Efrînê bibin û got: "Wê şoreşa li Efrînê bê wateya naskirina nasnameya azad a hemû jinên cîhanê."
Qeymeqam çalakiya 8’ê Adarê ya dê roja Yekşemê li Qada Çorlu Heykel bihata lidar bixistin qedexe kir. Jinên biryara qedexeyê nas nekirin, gotin ku dê bi hemû reng û erbaneyên xwe li qadan bin.
Jinan li Amed, Mêrdîn û Şirnexê di çarçoveya çalakiyên 8’ê Adarê Roja Jinên Cîhanê de ji jinên girtî kartên pîrozbahiyê şandin.
Hevseroka Meclîsa Tenduristiyê Angela Reşo li Efrînê li eniyan yek bi yek geriya û ji cîhanê re ragihand û got: “8’ê Adarê tê. Em ê wek jinan ji vê pêvajoyê re pêşengiyê bikin. Dê her kes di bin van êrîşan de jinên Efrînê jî b
Fîlîz Tural a ji Gimgimê koçî Bûrsayê kir û 20 salan li sirgûniyê jiya, piştî 20 salan disa vegeriya welatê xwe û dest bi hilberîn û jiyanek nû kir. Tural a rastî tundî, zext, kedxwariyê hat û bi berxwedana xwe jiyanke nû ava kir diyar kir ku hêza jinê ya jiyanê xweşik bike heye.
Jinên Şirnexî di çalakiya nobeta edaletê ya hefteya 322’yemîn a Roboskê de, starta 8'ê Adarê dan û qûrnefîl li jinên Roboskê yê belav kirin.
Platforma Jinan a 8'ê Adarê li Stenbol, Amed, Edene, Mêrsîn, Wan û Nisêbînê daxuyanî dan û bernameyên xwe aşkere kirin. Platforma Jina a Stenbolê bang li hemû jinan kirin ku tev li mîtînga 4'ê Adarê ya Qada Cumhuriyetê a Bakirkoy bibin. Jinên Îdîrî jî bang li hemû jinan kirin ku tev li pîrozbahiyan bibin. Jinan li Nisêbînê qurnefîl belav kirin, li Mêrsînê kart şandin û li Edene û Wanê jî bernameyên xwe aşkere kirin.
Platforman Jinan a Îzmîrê, di 8’ê Adarê Roja Kedkarên Jinên Cîhanê, çalakiyên pêk bînin de, dê bi xwe ewlkariya xwe bigirin. Jinan, diyar kirin ku dê tu astengiyên bi hinceta OHAL’ê nas nekin û gotin: “Em ê raperîna xwe veguherînin hêrsê û li qadan bin.”
Jinên Edenê û Mêrsînê, diyar kirin ku ligel hemû astengiyên OHAL û êrîşên heyî dê ji qadan dernevin û gotin: “Heya jin li qadan bin dê bi hêz bin. Em ê di sînorên xwe de 8’ê Adarê pîroz bikin.”
Jinên Botanê, 8’ê Adarê Roja Jinan a Cîhanê dê bi ruhê Binevş Agal (Bêrîvan), berxwedana Bêrîvan û têkoşîna Asya Yuksel pêşwazî û pîroz bikin.
Guler Erat ku li aşxaneya Morjîn Mûtfakê ya tenê jin wê bi rê ve dibin dixebite, got: "Divê jin jî bêyî ku bitirsin li her qadên jiyanê bin."