Sekretera Giştî ya Partiya Pêşerojê ya Sûriyeyê Sîham Dawid ku yek ji beşdarên Forûma Şoreşa Jinê ya Rojhilata Navîn e, diyar kir ku di forûmê de biryarên têkildarî azadiya jinê hatine girtin û got: "Ji bo azadiya jinê divê em bi hev re û mil bi mil bixebitin û hêviyên xwe bikin yek."
Bi sedema ku silav dane xizmên hev û ew hembêz kirine, cezayê disiplînê li siyasetmedar Ayla Akat Ata û Ayşe Yagci hate birîn. Ata û Yagci têkildarî cezayê hatiye dayîn parastin kirin û gotin: “Tiştekî mirovî ye.”
Mizgîn Can, piştî dest ji Îsmaîl Uneşî berdaye, Uneşî û malbat wî êrişî wê kirine û ji ber vê nikare destê xwe yê çepê bilebitîne. Can destnîşan kir ku kiryar li derve ne û got: "Ez dixwazim edalet pêk were."
Hevseroka HDP'ê ya Amedê Gulistan Atasoy ku bertek nîşanî biryara derbarê biryara rakirina parêzbendiya Hevseroka Giştî ya DBP'ê Salîha Aydenîzê da, got: "Saliha Aydenîz vîna me ya hilbijartî û Hevseroka Giştî ya DBP'ê ye û wê tim wisa be."
Şaredariya Panosê ji bo pêşîlêgirtina tundiya li ser jinan û jin dikaribin xebatên xwe civakî lê bikin, Navenda Piştevaniya Jinan a Teşî vekir.
Endama Komîteya Amadekar a Forûma Şoreşa Jinê ya Rojhilata Navîn û Kongreya Star Menal Mihemed, diyar kir ku wê parastina destkeftiyên jinan ku 10 sal in bi destxistine bidomînin û wiha got: “Em ê bi tevgerên jinan re tifaqa xwe bidomînin û xurtkirina tevgerên jinan berdewam bikin.”
Fermandara Giştî ya Hêzên YAT’ê yek ji fermandarên YPJ’ê û QSD’ê Jiyan Tolhildan ku di êrişa SÎHA'yê de jiyana xwe ji dest dabû bal kişandibû ku dema rêxistinkirina jinan zêde dibe êriş jî zêde dibin û wiha gotibû: “Em ji kuştinê natirsin. Me carekî serî rakiriye. An em ê azad an jî em ê wekhev bijîn.”
Polîsan êrişî çalakiya jinên KESK’ê ya têkildarî Peymana Stenbolê kirin. Polîsan heqaret li jinan kirin û tundiyê jî li rojnamevanan kirin.
Şeyhdavût D. ku yek ji kiryarên "Doz N.Ç." ye, wekî "rûspî" di çalakiya Qeymeqamtiya Dêrikê de cih girt. Li Mêrdînê bi dehan karmendên dewletê dest avêtibûn N.Ç. ya zarok.
Li Esenyurtê jina bi navê Mîne C û li Sûltangaziyê jî Ayfer Orak rastî êrişa zilaman hatin û bi giranî birîndar bûn.
Li navçeya Odunpazari ya Eskîşehîrê zilamê bi navê Ramazan Suluk bi demançeyê hevjîna xwe Gullu Suluk kuşt.
Yekemîn Foruma Şoreşa Jinan a Rojhilata Navîn ku di 22’yê tîrmehê de li Qamişlo hat lidarxistin bi encamnameyê bi dawî bû. Di encamnameyê de hat gotin ku hewcehî bi xurtkirina hevgirtina jinan heye û dê bi hevgirtina jinan destkeftiyên şoreşê bên parastin.
Artêşa tirk bi SÎHA’yan yek ji fermandarên YPJ’ê ku fermandariya pêngava tunekirina DAIŞ’ê dikir Jiyan Tolhildan û du hevalên wê hedef girt. Hat zanîn ku dema Tolhildan û hevalên wê ji Foruma Şoreşa Jinan a Rojhilata Navîn vedigeriyan, rastî êrişa suîqestê ya dewleta tirk hatin.
Berdevka Meclisa Jinan a HDP'ê Ayşe Acar Başaran diyar kir ku wan bi awayekî herî dînamîk dest bi serdema nû kiriye û got: "Em bi biryar in ku di serdema pêş de li her derî bi rêxistinkirina Meclisên jinan ên xurt, bi rêxistinkirina xebateke kolektîf a bi rêxistinên jinan re rêxistinbûyînê û têkoşînê mezintir bikin."
Li gorî rapora sala 2021’an a Komîsyona Jinan a ÎHD’ê herî kêm 323 jin ji aliyê zilaman ve hatine kuştin, 118 jin jî bi awayên guman jiyana xwe ji dest dane. Di raporê de hat gotin 12 hezar û 500 jin girtî ne û 345 zarok girtî ne.