AMED - Meclisa Tenduristiyê ya Şaredariya Amedê civîna xwe ya ewil li dar xist û rêveberiya meclisê diyar kir.

 

Meclisa Bajêr a Amedê ku piştî qeyûm hat tayînkirin hat girtin û 8 sal şûnde dema Hevşaredarên Bajarê Mezin ê Amedê Serra Bucak û Dogan Hatun hatin wezîfedarkirin dîsa hat aktîfkirin, avakirina meclisan didomîne. Piştî meclisên çand û huner, jin û astengdaran, Meclisa Tenduristiyê jî hat avakirin.

 

Meclisa Tenduristiyê civîna xwe ya asayî ya yekemin li Navenda Çand û Kongreyê ya ÇandAmedê li dar xist. Di civînê de Serokê Daîreya Karên Tenduristiyê ya Şaredariya Bajarê Mezin Vahap Saçakli, xebatkarên tenduristiyê û nûnerên gelek saziyên sivîl ên di warê tenduristiyê de dixebitin amade bûn.

 

Endama meclîsê Hulya Alokmen Uyanik piştî hilbijartina Lijneya Meclîsê axivî û bal kişand ser wê yekê ku Konseya Bajêr di navbera civak û saziyan de girêdan û pirekê çêdike û pirsgirêka tenduristiyê ne tenê pisporên tenduristiyê, hemû beşên civakê eleqedar dike.

 

Sekretera Giştî ya Konseya Bajêr Selvî Tunç bi bîr xist ku Şaredariya Bajarê Mezin di heyama 8 salan a ku bajar ji aliyê qeyûm ve dihat birêvebirin de nekarî xebatên aktîf bimeşîne. Tunç, diyar kir ku Meclîsa Tenduristiyê cara ewil hatiye avakirin û got, "Ji ber pêdiviyên bajêr wê 5 xebatên meclîsê yên din li benda me bin."

 

Serokê Daîreya Karên Tenduristiyê ya Şaredariya Bajarê Mezin Vahap Saçakli di civînê de axivî û diyar kir ku Meclîsa Tenduristiyê cara ewil tê avakirin û avakirina meclîseke bi vî rengî gelekî girîng e. Saçakli da zanîn ku ji bo pêkhateyên tenduristiyê bi hev re biryaran pir watedar e û got, "Wek rêveberiyên herêmî em ji hevkariyê re vekirî ne, em ê çi ji destên me tê bikin."

 

Piştî ku beşdaran daxwaz û pêşniyarên xwe anîn ziman, desteya rêveber a meclîsê hate diyarkirin.