Wênesaz Ramazan Sogûkpunar ku anî ziman dîroka "bêdemokrasîbûna" ya Tirkiyeyê xêz dike, komkujiyên li Roboskî, Şengal, Helebçe û Gara Enqereyê û gelek karesatên bi vî rengî xêz kirine.
Pira Cendereyê (Septîmîûs Severûs) ku di navbera Kolik û Sincikê de ye, hezar û 800 sal in tu tişt ji rewnaqî û hişmetiya wê kêm nebûye.
Mizgefta Koçê û Kasir Rabî yên piştî ava Heskîfê kêm bû cardin derketin holê, bi makîneyên karî tên xerakirin.
Hejmara duyemîn a kovara wêjeyî Destar ku ji sê mehan carekê tê weşandin gihişt ber destê xwînêrên xwe.
Komîsyona Zimanê Kurdî ya Baroya Wanê, bi beşdarbûna 110 parêzeran kursa kurdî da destpêkirin.
Ji ber ku xebatên kolandinê yên li yek ji bajarên antîk ên Mîrnişîniya Kommageneyê Bajarê Antîk ê Perreyê hêdî tên kirin, tê diyarkirin ku ji ber vê dibe ku kifşbûna dîrokê heya 100 salên din jî bidome.
Derhêner Ozlem Yaşar ku fîlmê berxwedana Kobanê çêkir dibêje ruhê ku serkeftina Kobanê afirandî rastî ye. Yaşar diyar kir ku ya diket ser milê wan jî ew bû ku vê rastiyê bi hunerê şênber bikin.
Zarok Ma ku li taxa Kadîfekale ya navçeya Konakê ji zarokan re şahî li dar xist, bi çalakiyên rengîn bi zarokan dem xweş da derbaskirin
Şanoya Bajar a Amedê, di meha mijdarê de bi 5 lîstikên cuda derkeve pêşberî şanohezan.
174 weşanxane beşdarî fûara pirtûkan a Enqereyê bûn. Ji weşanxaneyên Kurdî tenê Nûbihar beşdarî vê fûarê bû. Ji xebatkarên Nûbiharê Azîz Tekîn wiha got: “Li ku derê weşanxaneyên Kurdî nebin, bi qasî ji destê me tê em hewl didin xwe bigihînin wan deran.”
NÇM ku konserên wê yên ji bo 30'yemîn salvegera wê li Stenbol û Edenê hatibûn qedexekirin, niha hewl dide li Amed, Îzmîr û Wanê konseran li dar bixe.
Komeleya Çand û Hunerê ya Dîcleyê dê di serdema nû ya perwerdehiyê de ji bo zarokan qursan çêbike.
Komeleya Lêkolînên Kurdî, di dema pandemiyê de bi awayekî onlayn dersê da 3 hezar kesî. Hevserokê komeleyê Eyup Sûbaşi got: "Dewlet dixwaze pêwendîya kurdan a bi zimanê wan re qut bike, lê em dikarin bi xwedîderketina li ziman bersiva vê yekê bidin."
Hunermendên kurd ku bertek nîşanî qedexekirina şahiyên NÇM’ê yên Stenbol û Edeneyê dan, diyar kirin ku qedexekirina şahiyan dijminatiya çand û hunera kurdî ye.
Li bajaroka Kaskabûlak a Kazakistanê dersên kurdî tên dayîn. Li rêveberê (akim) bajarokê jî ji kurdan tê tayînkirin. Li nav kurdên Kazakistanê Kaskabûlak weke "Kurdistana Biçûk" tê binavkirin.