Waliyê Êlihê “Konsera Gel” a Navenda Çanda Biharê ku dixwest bi beşdariya 9 hunermandan li dar bixe, bi hinceta “Rewşa Awarte” qedexe kir. Li ser biryara qedexekirinê dê konser li avahiya Navenda Çandê bê lidarxistin.
Ferhat Bîlgî 20 sal in li Wanê terzîtiyê dike û li gel hemû zor û zehmetiyan jî şal û şapik, şûtik û bergûzên ku di çanda kurdî de cihekî wan ê girîng heye çê dike.
Xwendekarên zanîngehê, bi armanca ku bibin dengê Hawara Celadet Bedrixan, bi kurdî-tirkî bi navê "Hawarê" fanzînekê derdixînin.
Qayûmê Şaredariya Qoserê, tabelaya Navenda Çand û Hunerê ya Ş. Elî Temel rakir û deriyê navendê mohr kir.
LaWjeyê strana Rûbaro ya herêma Colemêrgê ji nû ve newayek û teşeyek da û bi guhdaran re parve kir.
Şahwelat Kiliç ê ji Erdîşê, 2 sal e li ser mînyatura Keleha Arzaşkunê dixebite û bi dawî kir. Kiliç aşkera kir ku berhemên wî li hin deverên navçeyê hatine çikandin, lê qeyûm ji cihê wan rakiriye û kes li berheman wî xwedî dernakeve.
Pirtûka Hecî Nehsan a helbestan a bi navê “ciweyna” ji hêla Weşanên Aryen ve hate çap kirin. Nivîskarê ku 21 sal e girtiye û 6 berhemên wî hatine çap kirin, di helbesta “ji hundir” de wiha dibêje: “gelo li derve ew destên germ nemane? / hibr westiya ye / silavan xwe kuştiye? / çima nameyên min wisa li bersivên xwe digerin."
Nivîkar û lêkolînerê kurd Celal Temel, Peymana Lozanê ya bandoreke mezin li ser dîroka kurdan kir û salên "1918-1923" ji nêz ve lêkolîn kir. Temel pêşketinên di van salan de di pirtûkekê de berhev kir û ev sal wekî salên bê statuhiştina kurdan pênase kir.
Malên Rus ên dîrokî yên Qersê, dibin gefa tunebûne dene. Saziyên dewletê gelek ji malan bikar tîne û malên hatin şewitadin jî li ser wan avahî tên çêkirin.
Keleha Hezo ya hezar û 500 sal ji ber ku nehat restorekirin bi rûxandinê re rû bi rû ye. Qeyûmê Hezo yê AKP’î di bin navê “Sererastkirina derdorê” de ji ber xebatên xezaya Kelehê zirar dît, bi mermeran ser girt.
PEN’a Kurd li ser wêjeya klasîk a kurdî û alegoriyê gotûbêjek li dar xistin. Nivîskar Îlhamî Sîdar behsa wêje û helbesta kalasîk a kurdî kir û nivîskar Bawer Rûken jî li ser terha alegoriyê rawestiya.
Xwendekarên kurd ê zanîngehê Koma “Chalak Events” ava kirin û hemû kesên eleqeyê nîşanî çand û hunera kurdan didin, di çalakiyên cuda de kom dikin.
Perwerdekara dansê Serenay Ogûz, anî ziman ku danskirin dibe munasebeta ku mirov û bedena xwe li hev be û li hemberî polîtîkayên bedena civakiyî sekneke cidî ye.
Lîstîka “Wê hesab neyê dayîn” a Şanoya Bajêr a Amedê di çarçoveya 6’emîn Mîhrîcana Şanoyê ya Navneteweyî de li Îzmîrê derket pêşberî şanohezan.
Helbestvan Elîxan Loran helbesta kurdiya kurmancî ya modern a Bakur a salên 2000’î û beriya wê nirxand û diyar kir ku helbesta salên 90’î dixwest hebûna kurdan îspat bike, lê ya niha jî dixwaze bûyerên wekî Roboskî, bodrûmên Cizîrê, cenazeyê dayika Taybet, mirin û komkujiyan îspat bike.