Li Amedê gotubêjek li ser çanda radyoyên Êrîvan û Bexdayê pêk hat. Lêkolîner Zeynep Yaş got her du radyo kirin ku muzîka kurdî winda nebe. Muzîkjen Şêrko Kanîwar jî got divê zarokên kurd li ber stran û klamên kurdî werin mezinkirin.
Kawa Nemir ku operaya "Tosca" ya bestekarê îtalî Gîacomo Pûccînî, wergerand kurdî, diyar kir ku kurdî, ne ku bi tenê opera, lê xwedanê derfetên ji bo gelek formên hê kifşnebûyî ye. Her wiha Nemir, got: "Toscaya Pûccînî, berhema diyarê Îtalyayê, û kilama navdar a welatê Kurdistanê, Saliho û Nûrê, ji layê babeta xwe ve pir dişibine yek û din."
Derhênerê belgeîlma "Ne qeza ye, cînayet e" Fatih Pinar, diyar kir ku wî arşîvek xist nava rûpelê dîroke û wiha got: "Ev cînayet şerma îqtîdar, dewlet, daraz û hikûmetê ye. Ev şerma dewletê dê di nava rupelên dîrokê de cihê xwe bigire."
Hevseroka MED-DER’ê Mîne Karakaş têkildarî kursên didin diyar kir ku ji xeynî kurmancî dê qursên soranî jî didin dest pê kirin. Karakaş, bang kir ku gel serî li kursên wan bidin û bi zimanê xwe bixwînin, biaxivin û binivisînin.
Li Erziromê, ji bo restorekirinê Keşîşxaneya Oşkiyê ji bo 5 mehan dabûn ber îhaley. Bedêla îhaleyê milyon û 430 hezar TL bû. Lê belê di ser dema îhaleyê re 3 meh derbas bûne, hîn jî keşşxane nehatiye temamkirin.
Hunermenda kurd a muzîka operayê dike Pervîn Chakar ji bo dengbêjî hildin Lîsteya Mîrateyên Çandî ya Cîhanê ya UNESCO li ser înternetê kampanya da destpêkirin.
Dêra Sûrp Sarkîs a ermenî, bi salan hat texrîbkirin, kevirên wê hatin firotin û bû hedefa defînegeran. Rûveyla Tûnç ku derbarê dêrê de lêkolîn kirin, got: "Heger dêr bi temamî hilweşe, wê hafize û bîrek winda bibe."
Di Wêjeya Klasîk a Kurdî de kesê ku bi nezmê pênaseya xwarinan kiriye û zewqên wan nivîsandiye Şêx Muhyedînê Hênî ye. Hênî, di sedsala 19'an de bi navê "Beyana Xwarinan û Zewqên Wan" simatiyyeyek nivîsandiye û tê de behsa gelek xwarinan û zewqên wan kiriye.
Mamosteyê erdnîgariyê Mehmet Baran Aydin, ji bo zarokên kurdan bi navê "Ji Bo Zarokan Cografya" pirtûkek nivîsand.
Li kuçeyek Wanê bi salane dengê Ahmet Kaya qet kêm nebûye. Ji serê sibê bi vekirina derabeyan re heta êvarê dengê Ahmet Kaya li kuçeyê olan dide.
Di kurdî de heta niha di warê bijîşkiya gelêrî de pirtûka herî kevin a li ber destan "Tibba Melayê Ervasî" ye. Lê belê "Tibba Melayê Ervasî" kengî hatiye nivîsandin? Di gelek çavkaniyan û çapên bi alfabeya latînî yên vê pirtûka navbirî de, dema nivîsandina wê tê nîqaşkirin û hin malûmat tên dayîn. Herî dawî bi latînzekirin û amadekariya Mela Birhanê Tarînî ji Weşanxaneya Darayê derket û vê carê jî tê gotin ku di sedsala 14'an de hatiye nivîsandin.
Şaxa Egîtîm Senê ya Êlihê encamên 9’emîn Xelatên Pêşbirka Çîrokan a Şerzan Kurt eşkere kir.
Nivîskar Îlhamî Sîdar, dê li Pirtûkxaneya Lîlavê bi munasebata îmze û gotûbêjê, li Wanê bi xwînerên xwe re bê gel hev.
Jinên ku hinarên bi nav û deng ên Pirsûsê dikin tirşî, bang li her kesî kirin ku ji dêvla berên li marketan tên firotin, berên xwezayî tercîh bikin.
Hunermend, helbestkar û xwendekarên horasanî, ji bo Rojava şahiyek li dar xistin û êrîşên Tirkiyeyê yên li ser Rojava şermezar kirin. Di daxuyaniyê de diyar kirin ku wekî Kurdên Horasanê piştgiriyê didin berxwedana Rojava.