Xwediyê Fabrîkeya Ekmekçîoglû dixwaze berxwedana ku karkerên ji bo endamên sendîkayê bûn ji kar hatin avêtin dane destpêkirin asteng bike. Kamyonên ku madeya kîmyewî jî tê de ne kişandin ber konê çalakiyê ya karkeran.
Amediyan bal kişand ser meaşê kêm û ji bo hejmara tê gotin diyar kirin ku bawer nakin meaşekî li gor dilê wan bê diyarkirin.
Esnafên Geverê ku ji ber qedexeya derketina derve rewşa wan xirab bûbû, niha jî ji ber krîza aborî, desteserkirina berên wan û pêvajoya pandemiyê zehmetiyê dikişînin. Serokê YETSO'yê Vedat Çogaç, diyar kir ku di 10 mehan de 117 esnafan dikanên xwe girtin û xwest di warê kirê de piştgiriya esnafan bê kirin.
Hevserokê Giştî yê KESK'ê Mehmet Bozgeyîk, derbarê meaşê kêm de axivî û ji bo daxwaza derbarê meaşekî li gor jiyaneke mirovane pêk bê de bal kişand ser têkoşîneke rêxistinbûyî.
Nûnerên rêxistinên pîşeyî, ked û tenduristiyê li pêş Wezareta Tenduristiyê, bang kirin ku têk diçin, dimirin lê kes qêrîna wan na bihîze.
Seroka Odeya Bijîşkan a Stenbolê Pinar Saîp diyar kir ku xebatkarên tenduristiyê bi neheqiyê re rûbirû ne û divê li dijî koronayê xwegirtin tam şert e.
Li navçeya Soke, karkerên ligel şewba vîrûsa koronayê û qedexeyan jî, neçarin di zeviyan de bi xebitin, zorî û zehmetiyên dijîn vegotin û gotin: “Ger em ne xebitin emê birçî bimînin.”
Pispora Sendîkayan Pinar Abdal, feraseta komîsyona ku heqê herî kêm diyar bike rexne kir û got: "Di komîsyona heqê herî kêm a ji 15 kesan pêk tê de jin tune. Jinên ku kar dikin ji sedî 49’ê wan bi heqê herî kêm, an jî kêmtirî heqê herî kêm dixebitin. Lê di komîsyonê de jin tune ne."
Haber-Sen’ê sirgûnkirina Sekreterê Giştî yê Haber-Sen’ê Îbrahîm Damatoglû şermezar kir û xwest rayedarên PTT'ê demildest ji sirgûnê vegerin.
Karkerên OSTÎM'ê diyar kirin ku nikarin bi meaşê kêm debara xwe bikin û xwestin Komîsyona Tespîtkirina Meaşê Kêm li gor mifha karkeran biryarekê bide.
Waniyên ku ji ber krîza aborî kar bi dest wan nakeve, dixwazin meaşê kêm herî kêm bibe 3 hezar û 500 TL.
KESK’ê bi armanca salvegera damezrandina xwe li gelek bajaran daxuyanî da û soza mezinkirina têkoşînê da.
Li navçeya Arnavûtkoyê du karkerên ku di bin hezana li kaneke keviran çêbû de man jiyana xwe ji dest dan.
Di înşaeta TOKÎ ya li navçeya Peyasê dewam dike de, qalibê betonê tebiqî û 3 karker bi giranî birîndar bûn.
Li Mêrdînê ji ber ku DEDAŞ'ê ceryana qut kiribû û ev yek bi mehan dewam kiribû, ji sedî 60'ê erdan nehatin ajotin û her wiha berdariya îsal kêm bû. Cotkaran, diyar kir ku ji ber qutkirina ceryanê çinîn bi derengî ketiye û ji ber vê berdariya garis pir kêm bûye.