Berdevka Partiya Wekhevî û Demokrasiyê ya Gelan (DEM Partî) Ayşegul Dogan li ser hesaba xwe ya medyaya dijîtal bersiv da parvekirina Wezîrê Dadê Yilmaz Tunç. Ayşegul Dogan, got: “Hiqûq, demokrasî û edalet bi lîstoka peyvan pêk nayên. Çareseriya pirsgirêkeke dîrokî, cidîbûn pê divê.  Em bang li wezareta we dikin ku ziman û nêzikatiyeke vê berpirsyartiya dîrokî radigire bi kar bîne. Ji kerema xwe hûn karê xwe bikin.” 

 

TUNÇ ÇI GOT?

 

Yilmaz Tunç, têkildarî daxuyaniya Hevseroka Giştî ya DEM Partiyê Tulay Hatîmogûllari ya duh li Meclisê dabû wiha got: “Em li vir gogê nalîzin. Hewceye mirov piştgiriyê bide hewldanan. Divê mirov ji kirinên zirarê didin van hewldanan dûr bisekine. Bi DEM Partiyê re tu muzakere nayên kirin. Tenê daxwazeke wan a ji bo başkirina mercên girtiyên nexweş hebû.”