NAVENDA NÛÇEYAN - Dosyaya têkildarî qetilkirina rojnameger Gulistan Tara û Hêro Behadîn radestî Nûnertiya YE’yê ya Iraqê hate kirin. 

 

Şandeyek a Nûnertiya Yekitiya Ewropaya (YE) ya Iraqê ku ji Cîgirê Balyozê YE’yê yê Ewropa yê Iraqê David Hilly, Berpirsê Beşê Alîkariya yê Nûnertiya YE’yê ya Iraqê Lînart Derider û Berpirsê Ofîsa Têkiliyên YE’yê ya Hewlêrê duh serdana Navenda Metro ya Parastina Mafên Rojnamevanan kirin.

 

Rojnamevan û Berpirsê Beşa Soranî yê Şîrketa Çetir (Chatr Company) Berhem Letîf tev li civîna ku tê de atmosfera karê çapemeniyê li Herêma Kurdistanê hate gotûbêjkirin, bû. Di civînê de dosyaya qetilkirina her du rojnamevanên jin yên Çapemeniya Azad Gulistan Tara û Hêro Behadîn ku di 23’yê tebaxa 2024’ê di encama êrişa balafira bêmirov a dewleta tirk de li sînorê navçeya Seyîdsadiq ya Silêmaniyê hatin qetilkirin, radestî şandeya Nûnertiya Yekitiya Ewropa ya Iraqê hate kirin.