Komîsyona Hiqûq û Mafên Mirovan a DEM Partiyê bi daxwaza rêveberina tayînkirina qeyûmên ser şaredariyên Mêrdînê, Êlih û Xelfetiyê bê rawestandin, serî li dadgehên îdare yên her sê bajaran da. 

 

DEM Partiyê di serlêdanan de bal kişand ser darbeya 4’ê mijdarê û hat bibîrxistin ku partiya wan li her sê bajarên navborî bi tercîha gel û serkeftinek mezin şaredarî bi dest xistiye. Di serlêdana de hat diyarkirin ku piştî tayînkirina qeyûman avahiyên şaredariyan veguherîne qereqolan, ji ber vê yekê gel nikare xizmetê werbigire û hat xwestin demildest dawî li pêkanîna qeyûman bê anîn.