XARPÊT - Îtîraza li dijî cezayê dîsîplînê yê li siyasetmedar Leyla Guven û Hulya Alokmen û 8 jinên din ên girtî hatibû birîn, hat redkirin. Parêzer wê serî li AYM’ê bidin. 

 

Li Hevseroka Kongreya Civaka Demokratîk (KCD) Leyla Guven û Hevseroka Rêxistina HDP’ê ya Amedê Hulya Alokmen û 8 jinên din ên girtî bi hêceta stranên kurdî gotine û govend gerandine cezayê dîsîplînê hatibû birîn. Parêzeran li dijî vî cezayî îtîrazî 1’emîn Dadgeha Cezayê Giran a Xarpêtê kiribûn. Dadgehê îtîraza parêzeran red kir. 

 

Dadgehê biryar da ku cezayê dîsîplînê li her 10 jinên girtî were sepandin. 

 

Parêzerên Guven û Alokmen diyar kirin ku ew ê li dijî biryara dadgehê serî li Dadgeha Destûra Bingehîn (AYM) bidin.