Li Dîlovasiyê karker Tuncay Yildiz jî yê di şewata li fabrîqeya kozmetîk de birîndar bûbû, jiyana xwe ji dest da. Hejmara karkerên li Dîlovayê jiyana xwe ji dest dan, derket 7’an.
Hevserokê Şaxa DAD ya Îzmîrê Firat Dîkmen û Hevserokê Komeleya Çand û Hevgirtinê ya Dersimê ya Îzmîrê Hasan Alî Kiliç diyar kirin ku divê cihê gorên Seyîd Riza û hevalên wî werin eşkerekirin û gotin ku ev yek dê di pêvajoyê de gaveke erênî be.
Her çend kiryarên Selamet Yeşilmen a ku di dema qedexeya derketina derve ya li Nisêbînê de li ber mala xwe hat kuştin, tevî hemû delîlan 10 sal in nehatine eşkerekirin jî, hevjînê wê Aburrahîm Yeşîlmen got ku ew li benda edaletê ne.
Mehmet Emîn Can ku 30 sal in îmamê dilxwaz e û ji bo serkeftina Pêvajoya Aştî û Civaka Demokratîk dixebite, got: "Di navbera gel û baweriyan de pirsgirêk tune ne. Pirsgirêka rastîn ji qanûnên ku ji hêla kesên ku dewletan bi rê ve dibin ve tên danîn, derdikevin holê."
Jinan di çarçoveya 25'ê Mijdarê Roja Têkoşîna li Dijî Tundiya Ser Jinê ya Navneteweyi de, li gelek bajaran daketin qadan û li dijî tundiyê banga mezinkirina têkoşînê kirin.
Der heqê 6 xebatkarên Lemanê de ji ber karîkatûrê doz hatibû vekirin. Di dozê de ji bo Dogan Pehlevan biryara tehliyeyê hat dayin. Lê ji ber doza “heqaret li serokkomar kiriye” hêj di girtîgehê de ye.
Neviya Seyîd Riza, Zeliha Polat xwest ku cihê gorên kesên di Komkujiya Dêrsimê de hatine qetilkirin û gora bapîrê wê were nîşandan û bang kir.
Di 9’ê Mijdarê de li Qoserê cerdevanan û tetîkkêşên wan bi çek û çoyan êriş kiribûn û 4 kes birîndar kiribûn. Êrişkar hatin berdan.
Azîze Tunelî ya 92 salî ku tehliyeya kurê wê Ahmet Tunelî 4 caran hatiye astengkirin, got: “Dixwazim kurê xwe bibînim. Gelo beriya bimirim dê bikarim kurê xwe bibînim?”
Abdullah Ocalan ku pirsên Fatih Altayli bersivand, anî ziman ku divê dewlet were demokratîkkirin û got: “Demokratîkkirina dewletê ne dabeşbûn e, jinûve sazkirina wê ye.”
Prof. Dr. Nîlgun Toker diyar kir ku divê pêvajo ji hêla hiqûqî ve were misogerkirin û got: “Mafê tu kesekî nîne ku careke din xeyalên vê civakê têk bibin.”
Der heqê Serokê Daîreya Av û Kanalan a MARSU’yê Halîl Cevîz de ku beriya niha ji ber xeta qaçax a avê ya biribû gundê xwe bûbû rojev, niha jî ji ber “tacîz û mobbîngê” serlêdana sûc hate kirin.
Endamê OHD'ê Veysî Guneş got: "Nepêkanîna mafê hêviyê, di rastiyê de ne mijara ceza înfazê ye. Ew di heman demê de nîşaneya berxwedana dewletê ya li dijî demokratîkbûnê ye."
Rêveberê TUHAY-DER'ê Nedîm Şîpal û endamê Komîsyona Hiqûqê ya ÎHD'ê Kemal Tîbelîk bal kişandin ser rewşa girtiyên nexweş û diyar kirin ku divê girtiyên nexweş ji bo her kesî pêşîniya sereke bin û daxwaza berdana wan kirin.