Endama Tevgera Azadiyê ya Kurdistanê Hêlîn Umît, diyar kir ku nêzikatiya li dijî Abdullah Ocalan di pêvajoyê de diyarker e û got: “Divê komîsyon dev ji mijûlkirinê berde û êdî dewlet mecbûr e biryarekê bide.”
Dayıka Rojîn Kabaîş a i awayekî guman jiyana xwe ji dest da Aygul KAbaîş û bavê wê Nizamettin Kabaîş, hevdîtin bi parlamenterên DEM Partiyê re kirin.
Îlham Ehmed ku di 6'emîn Foruma Aştî û Ewlehiyê ya Rojhilata Navînê de axivî, diyar kir ku pirsgirêka Kurd 100 sal in çareser nebûye û got ku aştiyeke ku jinan li derveyî xwe bihêle, dê ne mayînde be.
Raporên lêkolînên qadê yên dawî yên ji aliyê SAMER'ê ve ji Rêberê Gelê Kurd Abdullah Ocalan re hatin şandin, hatin îadekirin.
Fermandarê Giştî yê HSD’ê Mazlum Ebdî di foruma li Dihokê de axivî û bang kir ku di jinûveavakirina Sûriyeyê de firsendeke wekhev bidin Rojava. Ebdî, got ku pêvajoya ji hêla Abdullah Ocalan ve hatiye destpêkirin, ji bo aştiya Rojhilata Navîn derfeteke nû ye.
Zanyarê siyasetê Eren Aksoyoglû daxuyaniya Babhçelî ya têkildarî Îmraliyê nirxand û got: “Partiya îktîdarê, serdana komîsyonê ya Îmraliyê û zagonên têkildarî pêvajoyê dide sekinandin.”
Cîgirê Hevserokatiya Rêveberiya Xweser a Sûriyeyê Bedran Çiya Kurd, bandora gengaz a civîna Trump-Şara li ser Sûriyeyê nirxand û destnîşan kir ku pêwîst e hemû gel di pêvajoya siyasî de cih bigirin. Kurd, bang li Tirkiyeyê kir ku siyaseta xwe biguherîne û piştgiriyê bide diyaloga bi Şamê re.
Hevberdevka Tora Mafên Zarokan a Amedê Berfîn Elçiyê diyar kir ku zarok di warê mafên xwe yên tenduristî, stargeh, perwerde û jiyanê de bi gelek binpêkirinan re rû bi rû tên. Berfîn Elçiyê anî ziman ku dewlet polîtîkayên ku gelek binpêkirinên li dijî zarokan girantir dikin pêk tîne û got: "Erka dewletê ne alîkariya zarokan e, dayîna mafên wan e."
Serokên bajêr ên Partiya Saadet, Partiya DEVA û CHP’ê, ji bo ku pêvajoya bi Banga Aştî û Civaka Demokratîk ve hat destpêkirin mayînde be, diyar kirin ku divê tavilê gavên qanûnî bên avêtin.
Salên dirêj e li Mêrdînê gilêş bi keran dihat komkirin. Şaredariya Artukluyê ya DEM Partiyî amadekariyan dike ku wesayîtên komkirina gilêşî yên bipalet bixe meriyetê.
Dengbêj Hecer ku li Mêrdînê tevî temenê xwe yê mezin jî bi klamên xwe di çalakiyan de cih digirt, jiyana xwe ji dest da.
Komîsyona li Meclisê hatiye damezirandin, biryar da ku roja Înê, bi rojeva serdana Rêberê Gelê Kurd Abdullah Ocalan bicive.
Aydin Yucel piştî 31 salan ji Girtîgeha Bolûyê derket.
Rojnamevan Huseyin Aykol ê piştî emeliyatê enfeksiyonê xwe li pişika wî girt, bi dermanan tê dermankirin.