Hatîmogûllari: Werin dengê xwe bidin
- rojane
- 15:57 31/3
Hevseroka Giştî ya DEM Partiyê Tulay Hatîmogûllari bang li hilbijêran kir û wiha got: “Werin em dengê xwe bidin.”
Hevseroka Giştî ya DEM Partiyê Tulay Hatîmogûllari bang li hilbijêran kir û wiha got: “Werin em dengê xwe bidin.”
Namzetên hevşaredariyê yên DEM Partiyê li dijî hewldana xespkirina îradeyê ya bi polîs û leşkeran re, bang li kesên ku dengên xwe bikar neanîne kirin û wan vexwendin dengdayînê.
Namzetê AKP’ê yê Şirnexê Mehmet Yarka çû serdana dibistanan û welatiyan bi gotina “Hişyar bin diz heye” bertek nîşan dan.
Berdevka DEM Partiyê Ayşegul Dogan diyar kir ku wan li 31 navendan 46 hezar û 901 hilbijêrên veguhestî tespît kirine û wiha bang li muxalefetê kir: “Divê muxalefet ji vê xespkirina îradeyê re bibêje ‘na.’ Ev meseleye ne tenê meseleya DEM Partiyê ye.”
Hilbijêrên Amedê hinek jê li ser kursiyên biteker hinek jî li ser gopalan çûn ser sindoqan û dengê xwe dan.
Di sindoqa Hejmar 1042 ya li Dibistana Navîn a Ataturkê ya Qersê de ji 120 hilbijêran tenê yek jê qeyda wî/wê ji Qersê ye.
Namzeta DEM Partiyê Devrîm Demîr li navçeya Mehsertê tevî şandeya pê re serdana sindoqan dikin. Polîs ji nêz ve xaza îsotê berda Demîrê.
Li Dibistana Seretayî ya Şehîd Çetîn Denîz serokê sindoqê dengê hilbijêra DEM Partiyê Şemam Koç a xwendin û nivîsandina wê nîne da AKP’ê. Koç, wiha got: “Min got ez ê dengê xwe bidim darê lê wî li binê ampûlê xist.”
Dîmenên leşker û polîsên li bajarên Kurdistanê bi komî deng didin mohra xwe li hilbijartinê dan. Bertekên tund nîşanî hilbijêrên “gerok” ên di jiyana xwe de cara ewil e hatine bajarên Kurdistanê dan.
Namzetê DEM Partiyê Ahmet Turk, têkildarî leşker û polîsên weke hilbijêr veguhestin Mêrdînê wiha got: “Ji Yozgatê, Çorûmê ji cihên cuda heta ji Rûsyayê mirov veguhestine vê derê û hewl didin vîna gel xesp bikin.”
Namzetê Şaredariya Midyatê yê AKP’î Veysî Şahîn peywirdarê sindoqê yê Demokrat Partiyê derb kir.
Welatiyên li navçeya Gêlê li dijî leşker û polîsên weke “hilbijêr” li navçeyê hatin veguhestin çûn ser sindoqê, peyama “Em ê bi ser kevin” dan.
Şandeya navneteweyî ya ku ji bo şopandina hilbijatinê hatibû Amedê, li navçeya Pasûrê serdana dibistanan kir.
Berdevka DEM Partiyê Ayşegul Dogan cara duyemîn daxuyanî da û wiha got: “Divê tu kes sindoqan neterikîne. Roj roja serkeftinê ye.”