Endama Şandeya Îmraliyê ya DEM Partiyê Pervîn Buldan beşdarî bernameya JIN TV’yê bû û got ku Rêberê PKK’ê Abdullah Ocalan dê di hevdîtina duyemîn de ji bo jinan bangekî taybet bike.
Hewldana Edaletê ya li Dijî Tecrîdê ku xebatên xwe bi dawî kir, ev bang li muxalefetê kir: “Em muxalefetê vedixwînin têkoşîna demokrasiyê ya ji bo mercên tenduristî, ewlehî û azadiyê yên Abdullah Ocalan.”
HDK’ê ji bo çareseriya pirsgirêka Kurd kampanyaya “Ji bo aştiyê milyonek îmze” da destpêkirin.
Danişîna doza Hevşaredara Hênê Besîle Narînê hat lidarxistin. Dozgerî xwest Besîle Narîn bê cezakirin.
Danişîna doza Hevşaredarê Bajarê Mezin ê Wanê Abdullah Zeydan ku bi îdiaya “alîkarî daye rêxistinê” tê darizandin, taloqî 30’ê Çileyê hate kirin.
Akademîsyena Aştiyê Yasemîn Ozgun nîqaşên ser çareseriya pirsgirêka Kurd nirxand û wiha got: “Ji bo muxalefet xwedî li vê pêvajoyê derkeve û mercên çareseriyê amade bike, divê têbikoşe.”
Midûriyeta Giştî ya Meteorolojiyê ji bo barîna berfê bajarên Herêma Serhedê hişyar kir.
Şaredarê Beşîktaşê Riza Akpolat ku binçavkirî ye, birin edliyeyê.
Samah Raf'at A. Ehmed a filistînî ya ku li Nexweşxaneya Perwerde û Lêkolînê ya Nexweşiyên Zayînê û Zarokan a Suleymaniyeyê zarok aniye dinê, diyar kir ku ji ber ku nikaribûye 40 hezar mesrefa nexweşxaneyê bide zaroka wê hatiye desteserkirin.
Serokê Rûmetê yê ÎHD'ê Akin Birdal diyar kir ku desthilat ji bo çareseriya pirsgirêka kurd tu gav neavêtiye û got: "Êdî em li bendê ne ku gav bên avêtin. Lê belê heta niha ji bo pêbawerî û xurtkirina pêvajoyê tu gav nehatine avêtin."
Di ser mirina Yilmaz Yakut ê bi nasnav Kalo ku bêyî ku guh bide binçavkirin, îşkence, binçavkirin û gefên kuştinê li kolanên Amedê rojname belav kirin, 3 sal derbas bûn.
Der barê 22 kesên ku ji ber tevlî merasîma cenazeyê hunermend Mîr Perwer ê li Parîsê hatibû qetilkirin bûbûn hatibûn darizandin, ceza hatin birîn. Her wiha li ciwanê bi navê Davut Aktaş ji ber ku ji bo xwe ji gaza îsotan biparêze "maske" li dabû ber devê xwe, 3 sal û 8 meh ceza hat birîn.
Dîwarê deriyê ketina medreseya dîrokî ya Mîr Abdaliye ya navçeya Cizîrê ku bi çarenûsa xwe re rû bi rû hatiye hiştin, beri bê restorekirin, hat hilweşandin.
-Tevî êrişên hewayî jî gel çalakiya xwe ya li Bendava Tişrînê didomîne.