Di daxuyaniya li ber edliyeyê ya beriya rûniştina yekemîn a rojnamevan Ercûment Akdenîz de hat gotin, "Em ê ji nivîsandina rastiyan, pirsîna pirsan, pirsîn û agahdarkirina raya giştî venegerin."
Li gundê Qûrcan a navçeya Seravê ku du caran îhale lê hatiye kirin, çêkirina golê tevî hemû sozan jî ev 25 sal in temam nebûye. Welatiyên nerazîbûn nîşanî rewşê dan, diyar kirin ku ji ber bandorên ziwatiyê nikarin erdên xwe yên çandiniyê av bidin.
Mirina Rojîn Kabaiş ku li Wanê bi awayekî gumanbar jiyana xwe ji dest da, 308 roj in nehatiye zelalkirin. Tevî biryarên epenîtiyê, delîlên winda, raporên otopsiyê yên nakok û kêmasiyên ewlehiyê jî, di lêpirsînê de tu pêşketin çênebûye.
Kurê Resul Baltaci yê ku cezayê xwe yê 30 salan xilas kirî lêbelê ji ber biryarên Lijneya Îdarî û Çavdêriyê 33 sal in li girtîgehê tê ragirtin, Azad Baltaci daxwaza bidawîbûna bêhiqûqiyê kir.
Plana grevê ku Maden-Îş'ê di 1'ê Tebaxê de plan kiribû, bi hinceta "di wesfê xerakirina ewlehiya neteweyî de ye" hat qedexekirin.
Parêzer û nivîskar Gurkan Çakiroglû bal kişand ser şerên ku li cîhanê qewimîne û diyar kir ku modernîzasyona kurdan dê dirûv bide Rojhilata Navînê û xwest ku dewlet li aliyê kurdan be, ne li dijî wan.
Li navçeya Elkê civînên gel hatin lidarxistin. Di civînan de parlamenterê DEM Partî yê Şirnexê Mehmet Zekî Îrmez destnîşan kir ku divê barê pêvajoyê ne tenê li ser milê Rêberê Gelê Kurd Abdullah Ocalan be.
Di danezana 6 xalî ya piştî civîna MGK'ê hat weşandin de, îşaret bi bi pêvajoya ji bo çareserkirina meseleya kurd û geşedanên li Sûriyeyê hat kirin.
Komeleya Dostên Nexweşên Penceşêrê ya Siwêdayê bang li rêxistinên navneteweyî û aliyên peywendîdar kir ku derman ji bo hezar û 350 nexweşên penceşêrê ku jiyana wan di xetereyê de ye dabîn bikin.
Rêxistina Mafên Mirovan a HRANA'yê, ragihand ku hêzên rejîma Îranê li ser sînorê Baneyê kolberekî kurd bi giranî birîndar kirine.
Serokê Meclisê Nûman Kûrtûlmûş daxuyand ku ji bo çareserkirina pirsgirêka kurd wê li meclisê komîsyonek were avakirin û ev komîsyon wê di hefteya ewil a meha Tebaxê de dest bi xebatê bike.
Cenazeyê xebatkarê rojnameya Azadiya Welat Nîzamettîn Yilmaz ê li Yewnanistanê jiyana xwe ji dest dabû, piştî 19 rojan anîn Stenbolê.
Ji bo endama YRK’ê Zîlan Esen (Arîn Qoser) ku hat ragihandin jiyana xwe ji dest daye li Qoserê taziye hat danîn û taziye bi girseyî hat ziyaretkirin.
Emre Erdem ê ku li Girtîgeha Kirşehîrê bi gotinên "Ev Îmraliya duyemîn e" gef lê hate xwarin, di hevdîtina bi malbata xwe re got: "Gardiyanên ku dema îşkence li min kirin destên wan birîn bû, ji ber birînên destên xwe giliyê min kirin."