Hevseroka Giştî ya DBP’ê Çîgdem Kiliçgun Uçar di civîna bi gel re de axivî û bang li hemû partiyên siyasî, rewşenbîr û nivîskaran kir ku di mijara çareseriya pirsgirêka Kurd de xwedî gotin û pratîk bin.
Hevşaredara Sêrtê Sofya Alagaş di çalakiya li dijî tayînirina qeyûm de axivî û got ku qeyûmî avahiya şaredariyê veguherandiye qereqolê.
Koordînasyona Kongra Star bi daxuyaniyekê qetilkirina endama koordînasyonê Hîva Erebo şermezar kir û got: “Em soz didin ku dê tola wê hilînin û şoreşa neteweya demokratîk û şoreşa jinê bi ser bixin.”
Şaredariya Cizîrê ya DEM Partiyî civîna xwe ya meha Sibatê bi beşdariya gel li dar xist.
Siyasetmedarê Fransiz Sylan Boutiflat ku çû serdana Bakur û Rojhilatê Sûriyeyê, diyar kir ku li dijî êrişên dewleta tirk berxwedaneke topyekûn heye û got: “Rojava ji bo pêşerojê modêl e.”
Hevserokê Giştî yê DEM Partiyê Tuncer Bakirhan, got: “Birêz Ocalan, amadekariyan dike ku ji bo çareseriya mayinde ya pirsgirêka Kurd û avakirina Tirkiyeyê demokratîk, di nava çendek rojên pêş de bangawaziyeke dîrokî bike.”
Li Dêrsim û Xarpêtê ji ber nexweşiya tebekê bi dehan sewal mirin. Pisporan, xelkê herêmê hişyar kirin û gotin ku bila sewalên xwe derzî bikin.
Endamê Meclisa Kedê ya HDK’ê Yilmaz Yildirimci diyar kir ku polîtîkayên şer û neçareseriyê civakan xîzan dikin û şer 3 trîlyon û 865 mîlyor û 358 mîlyon dolar zirar daye aboriya welat.
Parêzerên Buroya Hiqûqê ya Asrinê ji bo hevdîtina bi muwekîlê xwe Rêberê PKK’ê Abdullah Ocalan serî li Serdozgeriya Bûrsayê û Midûriyeta Girtîgeha Îmraliyê dan.
Kaniyên Munzurê weke Qada Parastina Xwezayî ya Derêceya 2’yemîn hatibûn ragihandin. Ev biryar hate betalkirin û kanî dîsa weke Qada Parastina Xwezayî ya Derêceya 1’emîn hatin ragihandin.
Her çend 2 sal ji erdheja li Semsûrê re derbas bû, ne hilweşandin û ne jî karên avakirinê qediya. Li gorî saziyên civakî li herêma erdhejê bikaranîna tiryakê, fihûş û tundî zêde dibin.
Baroya Amedê ji bo ku Nevzat Bahtiyar ê di cînayeta Narîn Guranê de ji sûcê “delîl veşartine” 4 sal û 6 meh cezayê hefsê lê hatibû birîn ji sûcê “Bi komî zarok biqesdî kuştine” were cezakirin, serî li îstînafê da.
Tevî ku cih, dîrok û nexweşxaneya cenazeyê kurê wî birinê diyar e jî Halîl Gokmen ev 28 sal in nikare cenazeyê kurê xwe bigire. Gokmen, pisûleya ji bo dayina cenazeyê kurê wî jê re hatiye dayin jî her tim bi xwe re digerîne.
Leşkerên şahid di îfadeyên xwe yên ji bo îdiaya "Ketina qada qedexe" de ya der barê Hevşaredarê Bajarê Mezin ê Wanê Abdullah Zeydan de, gotin ku nehiltine Zeydan û kesên pê re bikevin qada qedexe.
Serokê Platforma DGD'ê Abdûlhakîm Daş diyar kir ku kampanyaya "Ji bo aştiyê milyonek îmze" ya HDK'ê ji bo civakîbûna aştiyê girîng e û bang li her kesî kir ku daxilî kampanyayê bibin.