Fermandariya Giştî ya HSD’ê bîlançoya 10 mehên dawî ragihand û diyar kir ku hucreyên DAIŞ’Ê 153 êriş kirine û bi 70 operasyonan hewldanên jinûverêxistinkirinê yên DAIŞ’ê vala hatine derxistin.
TEV-DEM’ê komkujiya hêzên girêdayî Hikûmeta Demkî ya Sûriyeyê li Dêr Hafirê kirî şermezar kir û got ku kesên jin û zarokan qetil dikin nikarin pêşeroja Sûriyeyê ava bikin.
Endama Konseya Serokatiya Giştî ya KCK’ê Zilar Stêrkê diyar kir ku pêvajo dê bi azadiya fizîkî ya Abdullah Ocalan şênbertir bibe, divê komîsyon demildest li Ocalan guhdar bike û ji bo nasîna ziman û nasnameya gelê Kurd jî zemîna hiqûqî û yasayî amade bike.
Rojnameya Xwebûnê di hejmara xwe ya nû de bi manşeta “Vegerin welatê xwe” derket.
Şêniyên gundê Izêr ê navçeya Qoserê ku Abdullah Ocalan 17 rojan li wir mabû û gotibû dixwaze biçe serdanê, bersiv dan. Ji şêniyên gund Alî Aslan got: "Em li çaverêya hatina wî ne."
Rojnameger Seyît Evran di encama nexweşiyê de jiyana xwe ji dest dabû. Hempîşeyên Evran, diyar kirin ku ew mamosteyê Çapemeniya Azad û hevalekî baş bû.
Şaredariya Elkê ya AKP’î, bi dehan jinên biyanî yên ji Çorum, Enqere û Stenbolê anîn navçeyê, bi awayekî derusûlî û bi bedela pereyan zewicand.
DFG’ê, rojnameger Seyît Evran bi bîr anî û got ku dê bîranîna wî di têkoşîna gelê Kurd de bijî.
Melahat Teke û Mûstafa Karabudak weke hevserokên Şaxa DAD’ê ya Enqereyê hatin hilbijartin.
Meral Daniş Beştaş, diyar kir ku dibe şandeyeke ji komîsyonê hefteya pêş bi Abdullah Ocalan re hevdîtinê bike û got: “Me li gelek tecrûbeyên cîhanê nihêrt û li akademîsyenan guhdar kir. Di mijara guhdarîkirina birêz Ocalan de nêrîneke hevpar heye.”
ESP’ê di çarçoveya pêvajoyê de kampanyaya “Çareseriya Kedkar” da destpêkirin. Hevserokê Giştî yê ESP’ê Mûrat Çepnî got: “Rêberê Gelê kurd hêj di tecrîdê de ye. Divê tecrîd bi temamî rabe û mercên xebata azad û bên avakirin.”
Înîsiyatîfa Azadiya Rêber Abdullah Ocalan a Sûriyeyê û Înîsiyatîfa Parêzeran a Sûriyeyê ya ji bo Parastina Rêber Abdullah Ocalan encama kampanyaya xwe ya “Dixwazim bi Ocalan re hevdîtinê bikim” parve kirin û gotin ku li tevahiya Sûriyeyê 2 hezar 541 kes tev li bûne.
HSD’ê bi daxuyaniyekê îdiayên wezareta parastinê ya Hikûmeta Demkî ya Sûriyeyê yên têkildarî komkujiya li Dêr Hafirê derewand û got wezaret hewl dide rastiyan beravajî bike.
Hunermend Julîde Kural ji bo banga aştiyê bike, xebateke vîdeoyê ya kolektîf amade kir.