Rojnameger Felemez Ulug bal kişand ser aloziya li Rojhiata Navîn û diyar kir ku kurd li herêmê aktoreke sereke ne. Ulug, got ku tu hêzên li herêmê xwedî plan û proje nikarin kurdan paşguh bikin.
Rojnamevanên ku bertek nîşanî tundiya li ser rojnamevanên protetstokirina qeyûman dişopînin dan, gotin ku bêdengiya li hemberî astengiyan tê wateya erêkirinê.
Der barê 22 kesên ku tê îdiakirina pankart vekirine, nîşaneya serkeftinê çêkirine û dirûşme berz kirine de bi îdiaya "propagandaya rêxistinê" doz hat vekirin. Der barê 5 kesên ku ji van kiryaran yek jê nekirine jî bi hinceta bi komê re tevgeriyane bi îdiaya "propagandaya rêxistinê" doz hat vekirin.
Ji Meclisa Xweser a Şengalê Bîro Berakat, azadkirina Şengalê wekî “vejîna nû” pênase kir û got: "Vê hêzê, vê fikrê, ev civaka ku ji hêz û taqetê ketibû ji nû ve zindî kir. Bi fedakariya 12 endamên HPG'ê, êzdî ji nû ve ji dayik bûn."
Ciwanan li Cizîrê li dijî tayînkirina qeyûman çalakî li dar xistin. Ciwanên ku li taxan agir vêxistin, qeyûm protesto kirin.
Midûriyeta Giştî ya Meteorolojiyê ji bo piraniya bajarên Herêma Serhedê hişyariya barîna zêde kir.
Li Şirnexê starta 25’ê Mijdarê Roja Têkoşîna li Dijî Tundiya Ser Jinê hate dayin.
Şaredariya Bajarê Mezin a Amedê loqenteyeke din a gel vekir.
Şaredariya Bajarê Mezin a Amedê, Civîna Meclisa Şaredariyê ya Asayî ya meha mijdarê bi tevlibûna gel li dar xist.
Hevşaredarê Xelfetiyê Mehmet Karayilan bertek nîşanî gotina Erdogan a "kesên kes nizane bê kî ne" da û got: “Heke kirinên qeyûman baş bên vekolandin wê demê dê bizanin ev kes kî ne."
Li Êlihê di roja 8’an de li dijî qeyûm meş hat lidarxistin. Parlamenter Omer Ocalan piştî meşê axivî û got: “Rêzdar Ocalan got ez ji bo her tiştî amade me. Lê desthilatdariyê bi tayînkirina qeyûman bersiv da peyama rêzdar Ocalan.”
Parlamenterê DEM Partiyê Ferît Şenyaşar di çalakiya nobetê ya li dijî tayînkirina qeyûm a li Xelfetiyê de axivî. Şenyaşar, banga tevlibûna mitînga 17’ê mijdarê kir ku dê li Êlihê li dijî qeyûm were lidarxistin.
Hevserokê KCD’ê Berdan Ozturk got; “Ji bo aştiyeke birûmet em li qada mitîngê ya 17’ê mijdarê bin.” Hevseroka Giştî ya DBP’ê Çîgdem Kiliçgun Uçar jî wiha got: “Tekane hêviya welêt pêşniyarên çareseriyê yên Ocalan in.”
Serokwekîlê Koma DEM Partiyê Sezaî Temellî bal kişand ser girîngiya aştiya civakî û wiha got: “Qeyûm, derbeyeke li dijî aştiyê û demokrasiyê ye. Ev, pratîka derbeyê ye.”