Nûçegihanê me Altintaş hat berdan
- rojane
- 20:19 27/1
Nûçegihanê MA'yê Mahmût Altintaş ê hat berdan, giliyê polîsên ku lêxistin kir.
Nûçegihanê MA'yê Mahmût Altintaş ê hat berdan, giliyê polîsên ku lêxistin kir.
Nûçegihanê MA'yê Mahmut Altintaş ê hat binçavkirin, dema sewqî edliyeyê hat kirin rastî êrişa 5 polîsan hat. Altintaşê ku lêva wî teqiya, ji bo wergirtina raporê rakirin nexweşxaneyê.
Parlamentera DEM Partiyê Çîçek Otlû serdana Nobeta Edaletê kir û got: “Dewlet ji kurdan û girtiyan tolê hiltîne. Divê em têkoşîna xwe bidomînin, em ê vê faşîzmê teqez hilweşinin.”
ÎHD’ê û aktîvîstan bi çalakî û daxuyaniyên çapemeniyê yên li Enqere, Stenbol û Wanê kirin, bal kişandin ser rewşa tenduristiyê ya girtiyên nexweş Devrîm Ayik, Eser Morsumbul û Hanîfe Arslan a 76 salî û xwestin bên berdan.
Nivîskar û Lêkolîner Şukru Arslan di Kongreya Îslama Demokratîk de axivî û got: "Serokatiya Karên Diyanetê tenê xizmeta tirk û mezhebê henêfiyan dike."
Yek ji parêzera Buroya Hiqûqê ya Asrinê Raziye Ozturk diyar kir ku êdî peyva “tecrîdê” jî hatiye asta ku bê tecrîdkirin û anî ziman ku Rêberê PKK’ê Abdullah Ocalan tevî van şartan jî paradîgmayeke ku hemû pirsgirêkan çareser bike û rêyên çareseriyê afirandin.
4 girtiyên li Girtîgeha Tîpa T a Bandirmayê dihatin ragirtin, sewqî Girtîgeha Tîpa F a Kurkçuler a Edeneyê hatin kirin.
Xizmên windayan li Amed, Îzmir, Colemerg û Êlih’ê ji bo aqûbeta Serokê Rêxistina HADEP’ê Serdar Taniş, Rêveberê HADEP’ê Ebubekir Deniz û Enter Ozdemîr ê li Çelê hatin windakirin bipirsin daxuyanî dan. Xizmên windayan gotin “Denîz û Taniş ên li qereqolê hatin windakirin li ku ne?”
Cihên partiyên ku dê bikevin hilbijartinên herêmî yên li ser pisûleyên dengan diyar bûn. Li gorî vê AKP dê di rêza 1’emîn, CHP 18’emîn, DEM Partî 9’emîn, MHP 31’yemîn Partiya ÎYÎ 2’yemîn û Partiya Seadetê jî dê di rêza 34’emîn de cih bigire.
Nivîskar û lêkolîner Muhammed Salar ê di Konferansa Îslama Demokratîk de diaxivî got ku “Cihê ku Tirkiye hatiyê koalîsyona ‘sêva sor’ a bi rengê kesk hatiye boyaxkirin e” û diyar kir ku divê Îslama Demokratîk were belavkirin.
Daîreya Ceza ya Dadgeha Edliyê ya Herêma Stenbolê 2 sal û 8 meh û 15 roj cezayê Seroka TTB'ê Şebnem Korur Fîncanci erê kir
Ji ber barîna berfê ya zêde rêyên 806 jîngehên li Wan û Colmerêgê hatin girtin, aşût kete ser Rêya Colemêrg û Çelê.
Dayikên Şemiyê faîlên Cemal Akar ê beriya 31 salan di bin çavan de bi îşkenceyê hate qetilkirin pirsîn.
Şaredariya Şirnexê ya AKP’î, dema ku ji bo cenazeyê jina pîr wesayîta cenazeye neda, malbat bi derfetên xwe cenazeyê xwe xistin wesayîtekê û birin gundê xwe.
Konferansa Demokrasiya Xwecihî, dê di 11’ê sibatê de li Stenbolê were lidarxistin.