Hevşaredarên Êlihê Gulistan Sonuk û Yeşîl Işik û endamên meclisê xwestin derbasî avahiya şaredariyê bibin lê ji hêla polîsan ve hatin dorpêçkirin û nehiştin bikevin hundir.
Li gorî rapora Şaxa ÎHD’a Mêrsînê, mafê tenduristiyê yê girtiyên nexweş tê astengkirin û bi biryarên Lijneyên Îdare û Çavdêriyê tehliye tên taloqkirin.
Serokê Baroya Amedê Tahir Elçî di 9’emîn salvegera qetilkirina xwe de li gelek bajaran hat bibîranîn û hat xwestin ku faîl bên girtin û edalet pêk bê.
Tahir Elçî di 9’emîn salvegera qetilkirina xwe de li ser gora xwe ya li Goristana Yenîkoyê hate bibîranîn.
Wezîrê Dadê Yilmaz Tunç diyar kir ku çêkirina 11 girtîgehan didome û projeyên 21 girtîgehanjî tên danîn.
AYM’ê, cezayên ji ber dirûşm û pankartên di protestoyên komploya navneteweyî ya li dijî Abdullah Ocalan de hatibû dayin weke “binpêkirin” qebûl kir.
Di doza 31 kesên HDK, HDP, DBP, DEM Partiyî de li 21 kesan 6 sal û 3 meh cezayê hefsê, li 3 kesan jî salek û 3 meh cezayê hefsê hate birîn.
Hevserokên Giştî yên DEM Partiyê Tulay Hatîmogûllari û Tuncer Bakirhan dê sibe bi Serokê Giştî yê CHP’ê Ozgur Ozel re hevdîtinê bikin.
Şaredariya Sûrê ya DEM Partiyî navê kolana Mînareya Çarling lê ye weke “Kolana Tahir Elçî” guherand.
Parêzerên Buroya Hiqûqê ya Sedsalê ji bo hevdîtina bi muwekîlê xwe Rêberê PKK’ê Abdullah Ocalan serî li Serdozgeriya Bûrsayê û Midûriyeta Girtîgeha Îmraliyê dan.
Wezareta Karên Hundir li şûna keyayê gundê Burmadere yê navçeya Sorsê ya Erdexanê Şahîsmaîl Goyuk qeyûm tayîn kir. Hat zanîn ku Midûrê Îdareya Taybet ê weke qeyûm hatiye tayînkirin, MHP’î ye.
Rojnameger û nivîskarên li Amedê hatin binçavkirin sewqî edliyeyê hatin kirin.
Hevşaredara Êlihê Gulistan Sonuk diyar kir ku ew xespkirina dîwaran nas nakin û wiha got: “Dibe ku em nekarin rêyan qîr bikin lê dê têkoşîna me ya ji bo pêşîlêgirtina tundiyê û ya li dijî tiryakê ku dixwazin li Kurdistanê belav bikin bidome.”
Parêzer Civan Ortaç diyar kir ku lihevkirin û aştiya civakî bi rakirina tecrîda li Îmraliyê pêkane. Ortaç, da zanîn ku 4 hezar kes li girtîgehan hene ku li benda “mafê hêviyê” ne.
Tahir Elçî li pêşiya Mînareya Çarling ku 9 sal berê li wir hatibû qetilkirin, hate bibîranîn. Di bîranînê de hat gotin ku faîlên Elçî hêj jî nehatine girtin.