Siyasetmedar Ayten Kordu ku beşdarî "Meşa Çareseriya Demokratîk û Azadiyê" bû, diyar kir ku ew ji bo pirsgirêka kurd çareseriya demokratîk dixwazin. Hevserokê Giştî yê DAD’ê Zeynel Kete destnîşan kir ku divê polîtîkayên yekperest bi dawî bibin.
Serokê Komeleya Yekitiya Suryanan Yunanna Aktaş ku di çalakiya nobetê ya li ser sînorê Nisêbîn-Qamişloyê de cih digire, diyar kir ku Rêveberiya Xweser temînata nasnameyên cuda ye û wiha got: “Pêşeroja Sûriyeyê, girêdayî parastina Rêveberiya Xweser e.”
Hevserokê DEM Partiyê yê Edeneyê Seyfettîn Aydemîr da zanîn ku “Meşa Çareseriya Demokratîk û Azadiyê” dê di 19’ê Kanûnê de li Edeneyê be û wiha got: “Em bi hev re daxwaza xwe ya çareseriyê biqîrin.”
Hiqûqnas, rewşenbîr û hunermendan diyar kirin ku divê pirsgirêka kurd bê çareserkirin, mesele tenê pirsgirêka kurd nîn e, meseleya Tirkiyeyê ye û dê hewldanên xwe yên ji bo çareseriyê bidomînin.
Endamê Konseya Rêveber a PKK’ê Mûrat Karayilan, wiha got: “Em bi eşkereyî radigihînin; weke PKK em li Rojava tune ne. Tu têkiliya me bi rêxistineke li wir re nîne.”
Tirkiyeya ku li Sûriyeyê bi binpêkirinên xwe yên mafên mirovan di raporên NY'yê de cih digire, li welêt êrişên nû dan destpêkirin. Malbata Anna Campbellê 7 sal in nikare cenazeyê keça xwe wergire.
Siyasetmedar, nûnerên rêxistinên sivîl û dayikên aştiyê yên li dijî êrişên li ser Bakur û Rojhilatê Sûriyeyê rabûn, diyar kirin ku kurd jî wekî gelên din xwedî daxwaza jiyaneke wekhev û azad in.
Hevserokê DEM Partiyê yê Stenbolê Mûrat Kalmaz diyar kir ku Tirkiye li hemberî Bakur û Rojhilatê Sûriyeyê xwedî "nêzîkatiya ez ê çawa tasfiye bikim" e û Berdevkê Demî yê SMF'ê Mahîr Gurz jî got: "Rojava li hemberî hêzên emperyalîst û paşverû alternatîf e."
Endama Meclisa Xweser a Şengalê Nafya Mêşo têkildarî kampanyaya ji bo piştgiriya bi Bakur û Rojhilatê Sûriyeyê re li Şengalê hatiye destpêkirin axivî û got: “Wan canê xwe ji bo me dan. Lewma civaka Êzidî çi ji dest bê dê ji bo Rojava bike.”
Şaxa ÎHD’a Êlihê da zanîn ku piştî tayînkirina qeyûm li Êlihê nêzî 300 kes hatine binçavkirin, li piraniya binçavkiriyan tundî hatiye kirin û herî kêm 37 kes hatine girtin.
Parlamenterê DEM Partiyê Kamûran Tanhan di çalakiya nobetê ya li dijî êrişên dewleta tirk û koma wê ya paramîlîter SMO’yê li ser sînorê Qamişloyê hatiye destpêkirin de gotinên Rêberê PKK’ê Abdullah Ocalan bi bîr xist û got: “Kesê dikare şer bi dawî bike birêz Abdullah Ocalan e. Lewma divê tecrîd tavilê bê bidawîkirin.”
Di 13’ê Kanûnê de li Mêrsînê parastvanên mafan û siyasetmedar hatibûn binçavkirin. Binçavkirin, hatin protestokirin û peyama “Em bi hevalên xwe re ne” hate dayin.
EGE-TUHAYDER’ê di çarçoveya kampanyaya “Şandina pereyan a ji girtiyan re sûc nîne” de ji gelek girtiyan re pere şand.
Hevseroka Giştî ya DBP’ê Çîgdem Kiliçgun Uçar di dayina starta “Meşa Çareseriya Demokratîk û Azadiyê” de axivî û wiha got: “Heta aştiyeke birûmet pêk tê û birêz Abdullah Ocalan azad dibe dê meşa me bidome.”