Xelkê Mexmûrê ku ji bo berdana 4 kesên dema ji bo hevdîtina bi rayedarên Iraqê re çûn û hatine binçavkirin û ji bo rakirina ambargoyê dest bi çalakiyê kirine, gotin ku heta daxwazên wan tên cîbicîkirin dê çalakiya xwe bidomînin.
Dadgeha Kargêrî ya Bilind biryar da ku di doza berpirsiyariya îdarî ya têkildarî komkujiya Dedeogullari de biryara dadweriyê ya di navbera dadwerî û îdarî de heye.
Di îdîanameya der barê Korgeneral Y.A. de têkildarî mirina Seyîthan Durdu de hat amadekirin de hat gotin ku leşker li derveyî qada peywira xwe tevgeriyane, kakilên guleyan ên li cihê bûyerê ne yên bûne sedema mirinê ne û ji bo ceza neyê birîn bersûc îfadeyên nakok dane.
Ji malbatên piştî êrişa DAIŞ’ê ji xaka xwe koçber bûn û di kampan de diman 100 jê vegeriyan Şengalê.
Dayikên Şemiyê û parêzvanên mafên mirovan Ridvan Karakoç û Hasan Ocak ên di binçavan de hatin qetilkirin li ser gorên xwe bi bîr anîn. Di bîranînê de hat gotin ku dê ev dewlet hesabê kiryarên xwe bide.
Çalakiya xelkê Mexmûrê li dijî ambargoya hikûmet Iraqê daye destpêkirin, di roja 5’an de didome.
Qubad Talebanî têkildarî hilbijartinên giştî yên Iraqê de daxuyanî da û got ku dê YNK û PDK bi lîsteyên cuda beşdarî hilbijartinê bibin.
Ji ber sûcê “azardana zarokan” ê li dijî 4 zarokan, 82 sal û 6 meh cezayê hefsê li Muammer Ugur hate birîn. Xizmên Ugur, gef li Komîsyona Mafên Jin û Zarokan a Baroya Şirnexê û JINNEWS’ê xwarin.
Rojnameger Rûken Polat di bîranîna rojnameger Nazim Daştan û Cîhan Bîlgînê de hatibû derbkirin û binçavkirin. Dozgeriyê, ji bo giliyê Rûken Polat ê der heqê polîsan de biryara neşopandinê da. Dozgeriyê îdia kir ku polîsan “ji ber tevgera tund û êrişkar” a Rûken Polatê mudaxileya tund kirine.
Hevdîtina Hevserokên Giştî yên DEM Partiyê Tulay Hatîmogûllari û Tuncer Bakirhan a bi Serokê Giştî yê Partiya DEVA’yê Alî Babacan re bi dawî bû. Hevdîtin saet û nîvan domiya.
Rojnameya Xwebûne di hejmara xwe ya 283’yemîn de bi manşeta “Pîrên Kurdistanê” derket.
Girtiyên li Girtîgeha Hejmar 2 ya Tîpa F a Bucayê li dijî zextan dest bi çalakiya greva birçîbûnê kirin. Hat zanîn ku midûrê girtîgehê gefa “Ka ev pêvajo bila biqede ez dizanim dê çi bi serê we bînim” li girtiyan xwariye.
Ji damezirînerên AKP’ê Bulent Arinç, got: “Mafê hêviyê mafekî girîng e. Ne tenê ji bo Ocalan, ji bo her kesên di heman rewşê de derbasdar e.”
Her du derwêşên Dêrsimê bûn çiya, bûn Munzur, bi pîroziya têkoşînê re li asîmanê Kurdistanê bûn stêrk. Bi hezaran kesên li Amedê ji bo wan hatin gel hev, hem her du derwêşên welat bi bîr anîn hem jî xwedî li banga civaka demokratîk derketin.