ENQERE - Saetên ziyaretên Şandeya Îmraliyê ya DEM Partiyê yên bi Selahattîn Demîrtaş û Fîgen Yuksekdag re diyar bûn.
Şandeya Îmraliyê ya DEM Partiyê dê di dawiya hefteyê de bi Hevserokên HDP’ê yên berê Fîgan Yuksekdag û Selahattîn Demîrtaş re hevdîtinê bikin. Saeta serdanan diyar bûn.
Şandeya Îmraliyê ya DEM Partiyê dê di 11’ê Çileyê de li Girtîgeha Edîrneyê bi Selahattîn Demîrtaş re û di 12’ê Çileyê de jî li Girtîgeha Kandirayê ya Kocaeliyê bi Fîgen Yuksekdag re hevdîtinê bike.
Di parvekirina DEM Partiyê ya têkildarî mijarê de wiha hate gotin: “Şandeya Îmraliyê ya DEM Partiyê dê di 11’ê Çileyê roja şemiyê saet di 13.00’ê de li Edîrneyê bi Demîrtaş re û di 12’ê Çileyê roja yekşemê saet di 13.00’ê de jî li Kandirayê bi Fîgen Yuksekdagê re hevdîtinê bike.”
Di daxuyaniyê de hat destnîşankirin dê piştî hevdîtinan daxuyanî neyên dayin û wiha hate gotin: “Tê plankirin ku di demên piştre de daxuyaniyeke berfireh were dayin.”