Di çalakiyên 8’ê Adarê yên li navçeyên Bajarê Nû û Bismilê de jinan gel vexwendin Qada Şêx Seîd ku dê banga dîrokî ya Rêberê PKK’ê Abdullah Ocalan li ser ekranên ledê yên mezin zindî bê dayin.
Nûnera KCDP’ê Şîrîn Yalîncakoglûyê bang li jinan kir ku li qadan bicivin û got: “Eger em li dijî vê helwesta faşîst şer nekin, em ê hem jiyana xwe û hem jî mafên xwe yên bi dest xistine jî ji dest bidin. Ji ber vê yekê em ê tu carî dest ji têkoşînê bernedin.”
Hevşaredara Sûrê Gulan Onkolê diyar kir ku ew ê bi Navenda Derûnî û Şêwirmendiya Hiqûqî ya Xwebûna Jinê re xizmetên derûnî û hiqûqî bikin û got: "Em li vir li benda hemû jinên ku pêwîstiya wan bi piştgiriyê heye."
Zeynep Celaliyan, di salvegera anîna xwe ya li Girtîgeha Yezdê de nameyek nivîsand û xwest ku gelên Rojhilat û Îranê li dijî darvekirinan dengê xwe derxînin.
Meclisa Jinan a Sûriyeyê diyar kir ku Kongreya Diyaloga Niştimanî ya li Şamê hatiye lidarxistin rewa nîne û dê biryarên li wir hatine girtin qebûl nekin.
TJA’yê li Êlihê starta 8’ê Adarê da û diyar kir ku dê jin dê berxwedana xwe ya bi felsefeya “Jin, jiyan, azadî” bidomînin.
Berdevka Meclisa Jinan a DEM Partiyê Halîde Turkoglû di meşa li Wanê de axivî û got ku Abdullah Ocalan ji bo çareseriyeke demokratîk dixebite.
Jinên Botanî starta çalakiyên 8’ê Adarê Roja Jinan a Cîhanê dan. Li Amedê jî jin li taxên navçeya Sûrê geriyan, li defê xistin, stranên bi Kurdî gotin û belavok belav kirin.
Li navçeyên Rezan û Bismilê yên Amedê bi boneya 8’ê Adarê çalakî hatin lidarxistin.
Hejmara nû ya kovara Jinê bi manşeta “Bi zimanê zikmakî ber bi azadiye ve” derket.
Platforma Jinan a Wanê bertek nîşanî tayînkirina qeyûm a li Şaredariya Bajarê Mezin a Wanê û tundiya polîsan a li ser kesên hatin binçavkirin da û got: “Ne êrişên we û ne jî polîsên we nikarin me bitirsînin. Em ê serî li ber polîtîkayên we yên qeyûm netewînin."
Kombûna Jinan a Zenûbiya bang kir ku her kes ji bo 3 aktîvîstên Kurd ên cezayê îdamê lê hatine birîn, demildest bikevin nava liv û tevgerê.
Li Midyadê starta çalakiyên 8'ê Adarê hat dayîn. Li dijî polîtîkayên desthilatê soza têkoşînê hat dayîn.
Şaredariya Bajarê Mezin a Amedê Koroya Jinan Ava kir. Endamên koroyê ji xebatkarên şaredariyê pêk tê.
Nêrgiz Mihemedî diyar kir ku xetereya darvekirina Pexşan Ezîzî, Werîşe Muradî û Şerîfe Mihemedî heye û xwest ji bo betalklirina biryara darvekirinê seknekî xurtir bê nîşandan.