QERS - Li navçeya Qaqizmanê hat zanîn ku Hanîfe Demîr a bi tundiya malbat û dergistiyê xwe re rûbirû maye bi awayek gumanbar mirî hatiye dîtin. 

 

Li gundê Qerebaxê yê girêdayî navçeya Qaqizmana Qersê Hanîfe Demîr a 18 salî bi awayek gumanbar mirî hat dîtin. Li gorî agahiyên hatin bidestxistin; Demîr 4 meh berê bi darê zorê li kesê bi navê Tayfûn destgirtî kirine. Hat zanîn ku Demîr hem bi tundiya malbata xwe û hem jî ya Tayfûn û xizmên wî re rûbirû maye. Hat îdiakirin ku Demîr li malê întîhar kiriye. 

 

Hat diyarkirin ku derbarê bûyerê de lêpirsîn hatiye destpêkirin.