Sekreterê Giştî yê NATO’yê Jens Stoltenbergî derbarê operasyona hewayî ya Amerîka, Fransa û Brîtanyayê ya li ser Sûriyeyê de axivî û got, "Peyamek vekirî ji bo rejîma Esad û piştgirên wê Rûsya û Îranê bû. Operasyonê nîşan da ku hêzên navneteweyî hema wisa bêdeng li qeraxekê rûneniştine."
Efrîn mora xwe li konferansa Sosyalîstên Ciwan ên Ewropayê ya li paytexta Bulgarêstanê pêk hat da. Ciwanên Sosyalîst, xwestin ku Federasyona Bakurê Sûriyeya Demdokratîk bê qebûlkirin û li vê herêmê qedexeya balafiran bê îlankirin.
Yekîtiya Ewropa (YE), di rapora der barê pêşketina endamtiya Tirkiye de, diyar kir ku Tirkiye beropaş “Gavên mezin" avêtiye û di hevdîtina Enqereyê ya li ser endamtiyê de tu bingeh tune ye.
Serokê Dewleta Rûsyayê Vladimir Putin piştî êrîşa Amerîka, Brîtanya û Fransa ya li dijî Sûriyeyê daxuyaniyek da û derbirî ku ew vê êrîşê bi awayekî tund şermezar dikin.
Serokê DYA'yê Donald Trump daxuyanî da çapemeniyê û diyar kir ku wan ligel Îngiltere û Fransa li dijî Sûriye operasyon dane destpêkirin.
Li bajarê Kaliningrad ê Rûsya helîkoptera tîpa Ka-29 ya leşkerî ket. Di qezayê de 2 pîlot mirin.
Wezîrên Karên Derve yên Yekîtiya Welatên Ereb ên li Paytexta Erebîstana Siûdî ya Riyadê kom bûn bi yek dengî, diyar kirin ku Tirkiye Efrîn dagir kir û Enqere şermezar kir.
Li Deryaya Egeyê balafira şer ket. Agahî ji pîlot nayê girtin.
Serokê DYA'yê Trump têkildarî mudaxeleya li ser Sûriyeyê peyamek nû belav kir û got: “Dibe ku di demek nêz de be û dibe ku ne di demek nêz de be.”
Serokwezîrê Îsraîlê Benyamîn Netanyahu bi boneya Qirkirina Yahudiyan daxuyaniyek da. Netanyahu di daxuyaniya xwe de Îran hişyar kir û xwest tu kes biryardariya wan a heyî test nekin.
Serokê DYA’yê Trump, di peyamên parvekirin de diyar kir ku dê fuzeyan bavêje Sûriyeyê û ji Rûsyayê got: “Xwe amede bike fuze tên.”
Li balafirgeha Boufarik a Cezayirê balafira leşkerî ket. Hat diyar kirin ku di balafirê de 100 personelên leşkerî jî di navde herî kêm 257 kesan jiyana xwe ji dest dan.
Li gorî nûçeya Ajansa Nûçeyan a fermî ya Sûriye (SANA), li dijî balafirgeha leşkerî ya Tayfurê êrîşa bi fuzeyan pêk hat.
Nûnerê Daîmî yê Sûriyeyê yê li nava Neteweyên Yekbûyî Beşar Caferî, diyar kir ku ew hêvîdar in ku mekanîzmaya sê alî ya ji Rûsya, Îran û Tirkiyeyê pêk tê zextan bike ku Tirkiye yekîneyên xwe yên leşkerî vekişîne.
Li bajarê Hannoverê yê Elmanyayê polîsan danê vê sibehê avêtin ser avahiya NAV-DEM'ê. Lêgerîna li komeleyê dewam dike.