QERS - AKP’ê ji bo encamên hilbijartinê yên Şaredariya Bajaroka Bazarcixê serî li Lijneya Hilbijartinê ya Navçeyê da û îtîraza wê hate redkirin. Îcar jî AKP’ê serî li Lijneya Hilbijartinê ya Bajar da. 

 

Di hilbijartinên 31’ê Adarê de DEM Partiyê Şaredariya Bajaroka Bazarcixê ya Dîgor a Qersê bi dest xist. AKP hewl dide şaredariyê xesp bike. Di vê çarçoveyê de jî li Lijneya Hilbijartinê ya Navçeyê îtîraz klir. Lê ev îtîraza wê hate redkirin. 

 

AKP a ku bi vê qayil nebû, niha jî li Lijneya Hilbijartinê ya Bajar îtîraz kir. 

 

Li bajaroka Bazarcixê 2 hezar û 185 hilbijêr hene û ji van hezar û 818 deng derbasdar hatin hesibandin. Ji van dengan 991 jê DEM Partiyê û 827 jî namzetê AKP’ê stand. 

 

Di hilbijartinên 2019’an de şaredariya bajarokê bi hinceta “KHK’î ye” ji namzetê HDP’ê Ebubekir Erkmen hatibû standin û dabûn namzetê AKP’ê.