NAVENDA NÛÇEYAN - Hevseroka Giştî ya DEM Partiyê Tulay Hatîmogûllari ji bo hakem Halîl Ûmût Meler ê rastî êrişê hat daxwazên xwe yên başbûnê pêşkeş kirin. Hatîmogûllari ya êrişa rêveberên MKE Ankaragucu Sporê ya li dijî rêveberên Amedsporê ya berê bi bîr xist wiha got: “Berpirsyarê tundiya li fûtbolê desthilat e.”
3 kesên ku di nav wan de Serokê Kûluba MKE Ankaragucuyê Farûk Koca jî heye ku piştî maça MKE Ankaragucu-Çaykûr Rizespor a duh bi şev li Super Ligê hat lîstin êrîşî hakem Halîl Ûmût Meler kirin, bi îdiaya “Li dijî Qanûna Pêşîgirtina li Tundî û Bêrêtiyê ya li Sporê ya bi Hejmara 6222’yan derketiye” û “Ji ber wezîfeya xwe ya cemaweriyê peywîrdarê cemaweriyê birîndar kiriye” hatin girtin.
Hevseroka Giştî ya Partiya Wekhevî û Demokrasiyê ya Gelan (DEM Partî) Tulay Hatîmogûllari bertek nîşan dan.
Hevseroka Giştî ya DEM Partiyê Hatîmogûllari li ser hesaba xwe ya X’yê ji bo hakem Halîl Ûmût Meler ê rastî êrişê hat daxwazên xwe yên başbûnê pêşkeş kirin û destnîşan kir ku berpirsyarê êrişê desthilat e. Hatîmogûllari di heman demê de êrîşa berê ya rêveberên MKE Ankaragucu Sporê ya li dijî rêveberên Amedsporê bi wêneyên bûyerê bi bîr xist.
Futboldaki şiddetin sorumlusu iktidardır! Amedspor’a yapılan saldırılara karşı cezasızlık politikalarını esas alan ve saldırıları teşvik eden ırkçı ve cinsiyetçi zihniyet, futbolda şiddetin yayılmasının nedenidir.
— Tülay Hatimoğulları (@TulayHatim) December 12, 2023
Topluma yaydıkları kutuplaştırıcı dille herkesi birbirine düşman… pic.twitter.com/mZGZjZDajW