SÊRT - Meclîsa Jinan a HDP’ê ya Sêrtê, bi boneya Roja Dayîkan laçik diyarî Dayîkên Aştiyê kirin.

 

Meclîsa Jinan a Partiya Demokratîk a Gelan (HDP) a Sêrtê, bi boneya Roja Dayîkan ji bo Înîsiyatîfa Dayîkên Aştiyê taştê dan. Berî taştê, şandeya dinavê de Parlamentera HDP’ê Bedîa Ozgokçe Ertan jî heyî qûrnefîl dan dayîkan û Roja Dayîkan li wan pîroz kirin. 

 

'HÛN BÛN PARAZVANÊN AŞTIYÊ'

 

Parlamentera HDP’ê Bedîa Ozgokçe Ertan axaftinek kurt kir û got: “We ligel hemû êş û bedelên mezin dest ji têkoşîna xwe berneda. Hûn bûn parazvanên aştiyê. Em bi rêzdarî bejna xwe ji ber têkoşîna we ditewînin. Em ê bi hêz û moralê me ji we girtî di 24’ê Hezîranê de bi ser bikevin.”

 

'EM Ê TÊKOŞÎNA XWE BERDEWAM BIKIN’

 

Berdevka Meclîsa Dayikên Aştiyê ya Sêrtê Maşallah Işik Aslan jî, li ser navê dayîkan axivî û got: “Ez Roja Dayîkan pîroz dikim û dest ji têkoşîn û parazvaniya xwe bernedin.” 

 

Piştî axaftinê xwarin hat xwarin û jinan laçik diyarî Dayîkên Aştiyê kirin.