STENBOL - Li Stenbolê ji dayikên ku rojbûna Rêberê PKK’ê Abdullah Ocalan pîroz kirin 4 hatin binçavkirin. 

 

Li Taxa Kanarya ya navçeya Kuçukçekmece ya Stenbolê 74’emîn rojbûna Rêberê PKK’ê Abdullah Ocalan, bi avêtina gulan a behrê hate pîrozkirin. Dayikên Aştiyê û dayikên ji bo girtiyên nexweş Nobeta Edaletê dabûn destpêkirin di pêşengtiya Komeleya Piştevanî û Alîkariye ya bi Malbatên Xizmên Xwe Windakirine re ya Anatoliyayê (ANYAKAY-DER) hatin bahev. Dayikan li ber peravê meşiyan dirûşmeyên “Bijî Serok Apo” berzkirin. 

 

4 KES HATIN BINÇAVKIRIN

 

Jinên ku pişt re li ber peravê gul avêtin behrê, dema aktîvîteya xwe bi dawî kirin rastî êrişa polîsan hatin. 4 jin hatin binçavkirin. 

 

Polîsan her wiha hewl dan nûçegihanê Ajansa Mezopotamyayê (MA) Zana Kaya û nûçegihanên JINNEWS’ê Rozerîn Gultekîn û Elfazî Toral ên nûçe dişopandin asteng bikin. Her wiha rojnamevan rastî heqaretên polîsan hatin.