ENQERE- Hevseroka Giştî ya SES'ê Selma Atabey hat girtin.
Hevseroka Giştî ya Sendîkaya Kedkarên Xizmeta Tenduristî û Civakê (SES) Selma Atabey jî di nav da danişîna 2'yan a doza 8 rêvebirên SES'ê ku bi îdiaya "endamtiya rêxistinê" û "propgandaya rêxistinê" tên darizandin li Dadgeha Cezayê Giran a 22'yan a Enqereyê hat lidarxistin.
Ji Federasyona Sendîkayên xizmeta Cemaweriyê ya Ewropayê (EPSU) komek nûner, Parlementerê Partiya Demokratîk a Gelan (HDP) ê Êlihê Necdet Îpekyuz, rêvebirên HDP'a Enqereyê, Hevserokên Giştî yên Federasyona Sendîkayên Kedkarên Cemaweriyê (KESK) û nûnerên wê û nûnerên sendîkayên girêdayî KESK'ê jî di nav de gelek rêxistinên demokratîk û kes tev li danişînê bûn.
Dihat payin di danişînê de şahidên dosyeyê bên guhdarkirin, lê dadgehê şahid neanîn danişînê. Di danişînê de sendîkavan û parêzerên wan axivîn. Piştî beyanan heyeta dadgehê biryara domandina girtina Hevseroka Giştî ya SES'ê ya berê Gonul Erdenê û girtina Seroka Giştî ya SES'ê Gonul Atabeyê da.
Dadgehê danişînê taloqî 3'yê Cotmehê kir.
Atabey ji ber hin sedeman tevli danişînê nebûbû, lê piştî derbarê wê de biryara girtinê hat dayîn hat girtin.
ÇI QEWIMÎBÛ?
Di 25'ê Gulana 2021'ê de bi biryara Serodzgeriya Komarê ya Enqereyê Hevseroka Giştî ya SES'ê Selma Atabey, Hevseroka Giştî ya SES'ê ya berê Gonul Erden jî di nav de rêvebirên SES'ê Fîkret Çagalan, Belkis Yûrtsever, Rona Temellî, Bedriye Yorgûn, Erdal Tûran û Ramazan Taş hatibûn binçavkirin. Piştî 8 rojên di binçavan de endam û rêvebirên SES'ê di 1'ê Hezîranê de bi şertê kontrolkirina edlî hatibûn berdan. Paşê Hevseroka Giştî ay SES'ê ya berê Gonul Erden cardin hatibû binçavkirin û di 22'yê Îlonê de hatibû girtin û ew şandibûn Girtîgeha Jinan a Sîncanê.
Serdozgeriya Komarê ya Enqereyê lêprisîn temam kiribû derbarê 8 endamên SES'ê de îdianameyeke 305 rûpelî amade kiribû û Dadgeha Cezayê Giran a 22'yan a Enqereyê jî ew qebûl kiribû. Danişîna ewil di 6'ê Nîsanê de hatibû lidarxistin.