Amedekariyên Turnûva Futbolê ya Gulistan Doku ya ku ji aliyê Şaredariya Rêya Armûşê ya di rêeberiya Partiya Wekhevî û Demokrasiyê ya Gelan (DEM Partî) tê lidarxistin, bi dawî bûn.  

 

Turnûva ku bi rêya werzîşê piştevanî û têkoşîna hevpar a jinan armanc dike, îro dê Kompleksa Sporê ya Karşiyaka dest pê bike. 

 

Di turnûvayê de 28 tîmên jinan dê beşdar bibin wiha ye: OHD Jin, Mor Barîkat, Topuklu Kramponlar, Anka Kadin Futbol, Altin Ayaklar, Xirave Mahle, Têkoşîn, Arîn, Golcu Bacilar, Şerefiye United, Jinên YYU, Tîma Hêvî, Rojhilat, Başûr, Jin United, Rojava, Med, Raperîn, Jinoava, Çilgin Tekmeler, KODER, Hebûn, Jinên Parêzer, Hilberî, GYMLER, Atletico Vay Babo û Bakur.

 

Turnûvaya ku dê heta 19’ê Hezîranê berdewam bike, lîstika ewil dê di navbera tîmên OHD Jin û Mor Bartîkatê pêk were.