MÊRSÎN - Welatiyên tev li xwarina fitarê ya Çukurova TUAY-DER’ê bûn, got: “Aştî tenê bi Rêbertiya me dikare were.” 

 

Komeleya Piştevaniyê ya Malbatên Girtî û Hikûmxwaran a Çukurovayê (Çukurova TUAY-DER), şevê din li navçeya Akdenîzê ya Mêrsînê xwarina fitarê da. Xwarina fitarê li eywaneke dawetan hate dayin û gelek kes tev li bûn. Welatiyên tev li fitarê bûn, piştgirî dan Banga Aştî û Civaka Demokratîk a ji hêla Rêberê Gelê Kurd Abdullah Ocalan ve hatibû kirin. 

 

Welatiyan, diyar kir ku her tim daxwaza aştiyê dikin û got: “Lêbelê devlet ev saleke tu gavan naavêje. Ji bo aştî çêbibe divê ji ewil Rêbertiya me azad bibe û girtiyên nexweş bên berdan. Heta ev çênebin dê baweriya me bi gotinên aştiyê neyê. Tekane kesê dikare pêşiya şer bigire, Rêbertiya me ye. Aştî tenê bi wî dikare were.”