Ji şevê din heta niha li Mêrdînê barîneke zêde dibare. Ji ber barînan, li navçeya Artukluyê rê veguherîn golan. Ji ber xebatên binesaziyê yên nîvco mayîn ên Şaredariya Bajarê Mezin a Mêrdînê ku qeyûm lê hatiye tayînkirin, li gelek cihan korên mezin çêbûn. Wesayît di rêyan de man û trafîk xitimî. 

 

Li gelek cihan jî logarên tehliyekirina avê xitimîn û têketina avahiyan di bin avê de man. Welatiyan hewl dan bi derfetên xwe logaran vekin û ava ketiye xaniyan vala bikin. Welatiyan got ku nikarin xwe bigihînin şaredariyê û rewşa heyî weke “rezalet” şîrove kirin.