Li ser rêya Colemêrg-Wanê wesayîtak kete bendavê: 3 kes winda ne 2025-11-30 12:05:52 WAN - Li ser rêya di navbera Colemêrg-Wanê de wesayîteke sê kes tê de bûn kete Bendava Zernekê. Xebatên lêgerîn-rizgarkirinê didomin.    Li nêzî navçeya Payîzava ya Wanê ser rêya di navbera Colemêrg-Wanê de wesayîtek ji kontrolê derket û kete Bendava Zernekê. Nehat zanîn ka plakaya wesayîtê çi ye û ajokarê wê kî ye. Li gor agahiyan sê kest di wesayîtê de bûn. Piştî îxabara welatiyên bûne şahidê qezayê, li cihê qezayê komên AFAD, UMKE, cendirme û tenduristiyê hatin sewqkirin. Xebatên lêgerîn-rizgarkirinê didomin.    Têkildarî nasnameya 3 kesên winda heta niha jî tu agahiyên zelal nehatine bidestxistin. Rayedaran got ku dê li gorî encamên lêgerînê agahiyan parve bikin.