
Danişîna doza rojnameger Oruç hat lidarxistin  

2025-10-14 12:42:08


	BEDLÎS - Di danişîna doza rojnameger Mehmet Şah Oruç de biryara domandina tevdîra “kontrola edlî” hate dayin.&nbsp;

	&nbsp;

	Danişîna doza rojnameger Mehmet Şah Oruç ku di 25’ê Nîsana 2023’yan di çarçoveya lêpirsîna navenda wê Amedê de hatibû girtin û di 31’ê Cotmeha 2023’yan de hatibû berdan a bi îdiayên “endamtiya rêxistinê” û “propagandaya rêxistinê” hatibû vekirin, li 2’yemîn DAdgeha Cezayên Giran a Bedlîsê hat lidarxistin. Rojnameger Şah tev li danişînê nebû lê parêzerê wî Resûl Temûr amade bû.&nbsp;

	&nbsp;

	Dozgeriyê, mutalaaya xwe pêşkeş kir û balkêş e ku xwest der heqê hinek rojnamegerên navên wan di îfadeyên şahid Umît Akbiyik de derbas dibin agahî bên komkirin. Dozgerî xwest ku tevdîra kontrola edlî ya Şah bidome.&nbsp;

	&nbsp;

	Parêzer Temûr jî got ku tevahiya kesên navên wan derbas dibin rojnameger in û xwest tevdîra kontrola edlî ya miwekîlê wî bê rakirin.&nbsp;

	&nbsp;

	Dadgehê, biryar da ku biryara kontrola edlî ya qedexeya derketina derveyî welat bidome. Her wiha xwest ku ji Serdozgeriya Komarê ya Amedê re nivîs were nivîsandin û têkildarî rojnamegerên navên wan derbas dibin agahî bên xwestin. Danişîn, taloqî 20’ê Çileya 2026’an hate kirin.&nbsp;

	&nbsp;