
NY bi rojeva Filistînê dicive 

2025-09-22 13:17:55


	&nbsp;

	NAVENDA NÛÇEYAN - Civîna destpêkê ya serdema 80’emîn a Lijneya Giştî ya NY’ê li New Yorkê bi rojeva Filistînê dicive.&nbsp;

	&nbsp;

	Civîna destpêkê ya serdema 80’emîn a Lijneya Giştî ya Neteweyên Yekbûyî (NY) dê di 23’yê Îlonê de li New Yorkê bê lidarxistin. Îro jî dê li New Yorkê bi pêşengtiya Fransa û Erebistana Siûdî konferanseke navneteweyî ya bi naveroka çareserkirina pirsgirêka Filistînê were lidarxistin.&nbsp;

	&nbsp;

	Tê payin ku ji Rêveberiya Filistînê Mahmûd Abbas ku DYA’yê vîze nedayê, bidîmen tev li Lijneya Giştî ya NY’ê bibe.&nbsp;

	&nbsp;

	Lijneya Giştî, demekî kin piştî biryara naskirina dewleta Filistînê ya Ingilistan, Kanada, Awûstralya û Portekîzê tê lidarxistin. Ji bo çareseriya du dewletiyê Serokkomarê Fransayê Emmanuel Macron û Prensê Velîaht ê Erebistana Siûdî Muhammed bin Salman xebatên dîplomatîk dabû destpêkirin û civîna ewil jî di 28-30’ê Tîrmeha 2025’an de hatibû lidarxistin.&nbsp;

	&nbsp;

	'HERÎ KÊM 11 FILISTÎNÎ HATIN QETILKIRIN’

	&nbsp;

	Di demeke Lijneya Giştî ya NY’ê li New Yorkê bi rojeva Filistînê dicive de êrişên Îsraîlê yên li dijî Filistînê jî didomin. Li gorî nûçeya Al Jazeerayê; di êrişan de herî kêm 11 Filistînî hatin qetilkirin.&nbsp;

	&nbsp;

	Li gorî daneyên Wezareta Tenduristiyê ya Xezeyê, ji 7’ê Cotmeha 2023’yan heta niha di êrişên Îsraîlê de herî kêm 65 hezar û 283 Filistînî hatine qetilkirin û 166 hezar û 575 kes jî birîndar bûne. Cenazeyên bi hezaran kesan di bin kavilan de ne.&nbsp;

	&nbsp;