
Ji bo danişîna doza rojnameger Topaloglû bang  

2025-01-08 14:54:09


	STENBOL - Rojnamegeran ji bo danişîna ewil a doza rojnameger Sadik Topaloglû banga piştevaniyê kirin.&nbsp;

	Rojnameger Sadik Topaloglû di 13’ê Tîrmehê de li Stenbolê bi îdiayên “endamtiya rêxistinê” û “fînansoriya rêxistinê” hate girtin û şandin Girtîgeha Hejmar 5 a Marmarayê. Danişîna ewil a Topaloglû dê sibe li 25’emîn Dadgeha Cezayên Giran a Edliyeya Stenbolê ya li Çaglayanê bê lidarxistin.&nbsp;

	&nbsp;

	BANGA TEVLIBÛNÊ

	&nbsp;

	Hevserokê Komeleya Rojnamegeran a Dîcle Firatê (DFG) Selman Çîçek ji bo tevlibûna danişîna Topaloglû bang kir û wiha got: “Endamê desteya rêveber a komeleya me rojnameger Sadik Topaloglû di 13’ê Tîrmehê de bi awayekî derhiqûqî hate girtin. Ji bo ev bêhiqûqtî ji holê rabe em ê sibe li Edliyeya Stenbolê bin. Em her kesên rojnamegeriyê diparêzin vedixwînin edliyeyê.”&nbsp;

	&nbsp;

	Rojnameger Omer Îbrahîmoglû jî bal kişand ser girîngiya xwedîderketina li rojnamegeran û banga tevlibûna danişînê li her kesî kir.&nbsp;

	&nbsp;