
Ji Weşanxaneya Aramê banga hevgirtinê 

2024-12-04 11:24:22


	AMED - Polîsan di pêşangeha pirtûkan de ser standa weşanxaneya Aramê de girtin û xwediyî weşanxaneyê Hakki Boltan bertek nîşan da xwest hezkiriyên pirtûkan li dijî zextan li weşanxaneyê xwedî derkevin.&nbsp;

	Pêşangeha Pirtûkan a TUYAP'ê ku cara 8' an li Amedê pêk tê di roja 5'an de li Navenda Fuar û Kongreya Navnetewî ya Mezopotamyayê berdewam dike. Di fuarê de ku wê roja yekşemê biqede, 216 weşanxane ku 26 ji wan bi kurdî weşanê dikin stand vekirin.&nbsp;

	&nbsp;

	Weşanxaneya Aramê ku di fûarê de cih digire bi zextên polîs û darazê re rû bi rû ye. Pirtûkên Weşanxaneya Aramê "Dildarê Serfeftinê" ya Mahmût Aba, otobiyografiya Nelson Mandela ya "Rêya Dirêj a Azadiyê" ku li çar aliyê cîhanê bi gelek zimanan hatiye wergerandin û pirtûka Mehmet Hayrî Dûrmûş ê li Girtîgeha Leşkerî ya Hejmara 5’emîn a Amedê di rojiya mirinê de jiyana xwe ji dest da ya bi navê “Name û Nivisên Wî” hatin desteserkirin. Dema ku pirtûk hatin desteserkirin, bi îdîaya ku li dijî wan biryara desteserkirinê heye, xebatkarên standê jî hatin binçavkirin.

	&nbsp;

	Hakki Boltan

	&nbsp;

	XWENDEVAN JI STANDÊ HATIN DÛRXISTIN

	&nbsp;

	Xwediyê weşanxaneya Aramê Hakki Boltan bertek nîşanî biryara berhevkirina pirtûkan û binçavkirinan da û got ku li hemberî zextan xwendevan li standê wan tenê nahêlin. Boltan da zanîn ku ji destpêka pêşangehê heta niha her tim bi zextan re rûbirû dimînin û wiha axivî: “Roja duşemê hatin û dest danîn ser pirtûka ku qedexe lê nehatiye kirin. Hevalên me binçav kirin, hewl dan hevalên me û xwendevan ji Weşanxaneya Aramê derxînin. Piştî van zextan zêdetir xwendevan eleqe nîşanî &nbsp;pirtûkên Aramê dan. Dîsa polîsan bêyî agahdariyekê dest danîn ser 2 pirtûkên me û bi binçavkirinan ve xwestin hevalên me bitirsînin. Bi van polîtîkayên çavtirsandinê nikarin encamê bigirin. Em van êrîş û zextan şermezar dikin."

	&nbsp;

	Boltan diyar kir ku xwendevan bertekê nîşanî zextên polîsan didin û xwest hemû kes piştgiriyê bidin weşanxaneyê. Boltan da zanîn ku li hemberî zextan bersiva herî xurt kirîna pirtûkan e û wiha got: “Mesele qedexebûna pirtûkan nîn e, armanc ew e ku xwendina pirtûkan astengkirin e. Di dema zextan de ciwan, jin, zarok û her kes bêtir pirtûk dixwînin. Di &nbsp;dema zextan de hejmara xwendevana bêtir zêde dibe.”

	&nbsp;

	‘BERHEVKIRINA PIRTÛKA MANDELA MIJAREKE PÊKENOK E’&nbsp;

	&nbsp;

	Boltan biryara berhevkirina pirtûka Nelson Mandela wek mijareke pêkenok binav kir û wiha axivî: “Mandela rengê demokrasiyê yê cîhanê ye. Ew kesek e ku di her qada cîhanê de li hemberî wî rêz tê girtin. Rastiya ku pirtûka wî ji aliyê polîsan ve hatiye qedexekirin û dadgehên li Tirkiyeyê nîşan didin ku ew ne hêjayî Mandela ne û wî fêm nakin. Li dijî Mandela, li dijî demokrasiyê û li dijî mirovahiyê ne."

	&nbsp;

	MA / Mujdat Can

	&nbsp;