Tê xwestin li gundê Bizdiman ê Pîran a Amedê, projeya Santrala Enerjiya Rojê (GES) bê çêkirin. Gundiyan diyar kir ku dê projeya Şîrketa ÎSDEMÎR'ê ya li ser 2 hezar û 500 donimî qadên jiyanê talan bike. Gundiyan got ku jixwe ji ber BEndava Kralkizi û Bendava Dîcleyê yên hatine çêkirin piraniya zeviyên wan di bin avê de mane û gotin ku dê niha jî ji ber GES'ê sewalvanî nemine. 

 

Gundiyan got: "ger van qadên me ji dest me bigirin dê ciwanên me bi ku ve biçin? Dê jiyana me nemine. Ger GES'ê çêbikin dê av bê qutkirin û dê ciwanên me betal bimînin. Em vê projeyê qeb»l nakin, ger hewce bike em ê nobedê bigirin. Em ê heta dawiyê li ber xwe bidin."