Komeleya Nûçegihanên Qesr Spî, li paytexta DYA’yê Washingtonê xwarin da. Serokê Dewletên Yekbûyî yên Amerîkayê (DYA) Donald Trump jî tev li xwarinê bû. Xwarin, li Hotêla Hîltonê hat dayin û di dema xwarinê de dengê çekan hate bihîstin. Bi bûyerê re Trump,  Melania Trump, Cîgirê Serok JD Vance û endamên qebîneyê ji hêla Servîsa Nepen a DYA’yê ve ji eywanê hatin dûrxistin. 

 

Rayedaran,diyar kir ku êrişkar hêj negihiştî eywana mêvan lê bûn hatiye bêbandorkirin û binçavkirin. Hat ragihandin ku gumanbar bi tifing, demance û gelek kêran hatiye girtin. Hat gotin ku di bûyerê de xebatkarekî ewlehiyê birîndar bûye.