
HDP bi rojeva hilbijartina herêmî dicive 

2018-11-08 10:31:34


	&nbsp;

	ENQERE – HDP ji bo hilbijartina herêmî dest bi civînan dike. HDP dê di navbera 9 û 14’ê mijdarê de civînên MYK, PM, Hevserokên Bajaran û Meclîsa Jinan pêk bîne û piştî civînan dê ji bo hilbijartinê dakeve qadan.&nbsp;

	&nbsp;

	Partiya Demokratîk a Gelan (HDP) ji bo hilbijartina herêmî ya tê payîn dê di 31’ê Adara 2019’an de pêk bê dest bi xebatên berfireh dike û civînên dê rojeva wan hilbijartina herêmî be amade dike. HDP a ku bû demeke xebatên hilbijartina herêmî daye destpêkirin dê di navbera 9 û 14’ê mijdarê de bi rojeva hilbijartina herêmî civînên Desteya Rêveberiya Navendî (MYK), Meclîsa Partiyê (PM), Meclîsa Jinan û Hevserokên Bajaran bê lidarxistin. Wê hevserokên giştî yên partiyê jî beşdarî van civînan bibin. Têkildarî xebatên hilbijartina herêmî hemû geşedan û amadekariyan gengeşe bikin. Wê plansaziya siberojê derbixe û di çarçoveya plansaziyê de jî dê komîsyon bên avakirin.

	&nbsp;

	&nbsp;POLÎTÎKAYA ÎTÎFAQIYÊ MIJAREK SEREKE YE&nbsp;

	&nbsp;

	Sermijara herî girîng a civîna HDP’ê îtîfaqên bi partiyan re ye. HDP li bajarên herêmê bi partiyên kurd re û li rojavayê Tirkiyeyê jî bi hêzên demokrasiyê re di nav lêgerîna îtîfaqê de ye. Hat zanîn ku dê di civînên MYK û PM de der barê van domkirina hevdîtinan de bi berfirehî nirxandin bê kirin.&nbsp;

	&nbsp;

	JI BO CIHÊN GIRÎNG HESASIYET&nbsp;

	&nbsp;

	Tê payîn di civînên HDP’ê de ji bo diyarkirina namzetan heta serê salê xebat bê kirin. HDP ji bo cihê ku dê bi ser bikeve hesasiyet nîşan bide û ji bo şaredariyên qeyûm hatine tayînkirin jî dê li ber çavan bigire û wê di vê çarçoveyê de nazmet bide nîşandan.&nbsp;

	&nbsp;

	KOMÎSYONA DIYARKIRINA NAMZETAN BÊ AVAKIRIN&nbsp;

	&nbsp;

	Li bendê ye di civînan de têkildarî xebata hemû komîsyonên navendî jî aşkere bûn pêk bê û komîsyon bên avakirin. Her wiha HDP dê di van civînên xwe binçavkirin, girtin û darizandinên endam, rêveber, parlamenterên xwe jî gengeşe bike û di vî warî de dikarin çibikin dê biaxivin.&nbsp;

	&nbsp;

	Civîna MYK’ê dê di navbera 9-10’ê mijdarê de, Meclîsa Jinan dê di 11’ê mijdarê de, civîna PM’ê dê di 12’ê mijdarê de û civîn Hevserokên Bajaran jî dê di 14’ê mijdarê de pêk bê. Piştî van civînan dê HDP ji bo xebatên hilbijartina herêmî dakeve qadan.&nbsp;

	&nbsp;

	MA / Selman Guzelyuz

	&nbsp;