
Partiya Çepên Kesk û HDP dê helwesta xwe sibê eşkere bikin 

2023-05-24 19:33:09


	ENQERE – Partiya Çepên Kesk û HDP, piştî civîna xwe ya awarte daxuyaniyeke bi nivîskî belav kirin. Di daxuyaniyê de hat diyarkirin ku tayinkirina qeyûman nayê qebûlkirin û wê helwesta xwe ya dawî ya têkildarî hilbijartinên 28'ê Gulanê sibê eşkere bikin.&nbsp;

	&nbsp;

	Lijneyên Rêveber ên Navnedî yên Partiya Çepên Kesk û Partiya Demokratîk a Gelan (HDP), piştî îmzekirina protokola di navbera namzetê serokkomariyê yê Tifaqa Miletê Kemal Kiliçdaroglû û Serokê Giştî yê Partiya Zaferê Umît Ozdag de, li hev civiyan. PIştî civînê daxuyaniyeke bi nivîskî hat belavkirin.&nbsp;

	&nbsp;

	Di daxuyaniyê de hat destnîşankirin ku sedema bingehîn a pirsgirêkên li welêt pêkanînên ne li gor demokrasiyê û rêgezên hiqûqa navneteweyî ne û wiha hat gotin: "Pêkanînên sereke yê di vî warî de, bi taybetî pêkanînên polîtîkayên qeyûmtiyê ne ku vîna gel û hiqûqa hilbijartinê û demokrasiya xwecihî serobino dikin. Tayinkirina qeyûman ku vîna gel xesp dikin û di warê demokrasî û hiqûqê de nayê qebûlkirin û helwesta me ya di vî warî de naguhere."&nbsp;

	&nbsp;

	Di daxuyaniyê de ji bo daxuyaniyên Kiliçdaroglû yên îro jî hat gotin ku, li dijî rêgezên demokratîk ên gerdûnî ne. Di daxuyaniyê de dubare hat destnîşankirin ku helwesta wan û rexneyên wan ên di vî warî de zelal û eşkere ne wiha hat gotin: "Pêkanînên qey»mtiyê tenê ne prisgirêka Amedê ne, pirsgirêka Stenbolê û bi awayekî giştî prisgirêka me hemûyan e."&nbsp;

	&nbsp;

	Di daxuyaniyê de hat bilêvkirin ku dê têkoşîna wan a ji bo demokrasî, hiqûq û edaletê bidome.&nbsp;

	&nbsp;

	Di dawiya daxuyaniyê de hat destnîşankirin ku dê helwesta xwe ya dawî ya ji bo hilbijartinên 28'ê Gulanê sibê eşkere bikin.&nbsp;